Կրեմլում դրական են գնահատում Ուկրաինայում ՌԴ հատուկ գործողության ընթացքը. Պեսկով
ՄԻՋԱԶԳԱՅԻՆ
Կրեմլում դրական են գնահատում Ուկրաինայում հատուկ ռազմական գործողության ընթացքը։ Այս մասին ՌԴ նախագահի մամուլի քարտուղար Դմիտրի Պեսկովն ասել է լրագրողներին՝ մեկնաբանելով Պետդումայի միջազգային հարցերով կոմիտեի ղեկավարի առաջին տեղակալ Վյաչեսլավ Նիկոնովի խոսքերը։
Ավելի վաղ Պետդումայի միջազգային գործերի կոմիտեի ղեկավարի առաջին տեղակալ Վյաչեսլավ Նիկոնովը «Կոմսոմոլսկայա պրավդային» տված հարցազրույցում հայտնել էր, որ այժմ Ռուսաստանի Զինված ուժերի համար հատուկ գործողությունը «շատ հաջող է ընթանում», և որ մասնագետների գնահատմամբ` «եթե սկզբում ռուսական կորուստները մեկը տասի դեմ էր, ապա հիմա մեկը երեսունի դեմ է»։
«Լավատեսությունը մենք, անշուշտ, կիսում ենք, իսկ ինչ վերաբերում է մանրամասներին, մենք դա չենք կարող մեկնաբանել, որովհետև դա պաշտպանության նախարարության իրավասությունն է», - ասել է Պեսկովը։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 103-րդ օրը։
