Կորոնավիրուսով հասպիտալացվածների 55%-ը զգում են հիվանդության սիմպտոմները անգամ երկու տարի անց
ՄԻՋԱԶԳԱՅԻՆ
Runews24.ru-ն գրում է, որ կորոնավիրուսով հասպիտալացվածների 55%-ը զգում են հիվանդության սիմպտոմները անգամ երկու տարի անց: Հետազոտության ընթացքում գիտնականները որպես հիմք վերցրել են Ուհանի հիվանդանոցներում 2020 թվականի հունվարի 7-ից մայիսի 29-ը բուժված սուր կորոնավիրուսով 1192 հիվանդի տվյալները: Հարցվածների միջին տարիքը եղել է 57 տարեկան։ պարզվել է, որ COVID-19-ով հոսպիտալացվածների 55%-ը ախտանիշներ է զգում անգամ երկու տարի անց:
Ֆոկուս խմբի հիվանդների 68%-ը հայտնել է, որ ունեցել է առնվազն մեկ երկարատև COVID-19 համախտանիշ դուրս գրվելուց վեց ամիս հետո: Փորձարկվողների 55%-ի մոտ հիվանդության սինդրոմներն արտահայտվում են բուժման ավարտից երկու տարի անց։ Մարդկանց մեծ մասը դժգոհում է մկանների թուլությունից և հոգնածությունից: Հիվանդների 11%-ը, այսինքն յուրաքանչյուր տասներորդը, չի կարողացել վերադառնալ աշխատանքի։ Այս դեպքում հիվանդության ձևի ծանրությունը նշանակություն չունի։ COVID-19-ից ապաքինվող հիվանդներն ավելի հավանական է, որ բողոքեն հոդացավերից, սրտի անբավարարությունից, գլխապտույտից, գլխացավերից, անհանգստության զգացումից և դեպրեսիայից: Հետազոտությունը հրապարակվել է Lancet Respiratory Medicine ամսագրում: Բժիշկները եկել են այն եզրակացության, որ կորոնավիրուսով վարակված հիվանդները մշտական աջակցության կարիք ունեն։ Նշվել է նաև, որ անհրաժեշտ է երկարաժամկետ ուսումնասիրել COVID-19-ի բուժման մեջ օգտագործվող պատվաստանյութերի և դեղամիջոցների ազդեցությունը։
Նյութը հրապարակման պատրաստեց Կամո Խաչիկյանը
