Ռուսաստանն այս իրավիճակից միայն մեկ ելք ունի. Շոլց
ՄԻՋԱԶԳԱՅԻՆ
Արևմուտքը չի համաձայնի Ռուսաստանի կողմից պարտադրված խաղաղությանը, եթե Մոսկվան փորձի գրավել Ուկրաինայի տարածքի մի մասը, հայտարարել է Գերմանիայի կանցլեր Օլաֆ Շոլցը։ Այս մասին հայտնում է Reuters-ը։
«Ռուսաստանն այս իրավիճակից միայն մեկ ելք ունի՝ բանակցել Ուկրաինայի հետ։ Իսկ դա չի նշանակում պարտադրված խաղաղություն՝ տարածքի մի մասի զավթում, իսկ հետո «ստորագրեք այստեղ» արտահայտությունը»,- ասել է նա։
Շոլցն ընդգծել է, որ Կիևին սպառազինության մատակարարումը և Մոսկվայի դեմ պատժամիջոցները նպատակ ունեն ցույց տալու, որ «Ուկրաինայի հետ պայմանագիրն անխուսափելի է», և ՌԴ նախագահ Վլադիմիր Պուտինի համար հնարավոր չէ խուսափել դրանից։
«Ինչպես Ղրիմի դեպքում, այն նույնպես չի աշխատի, երբ պատերազմն ավարտվի այն առումով, որ կրակոցները դադարեն, բայց ստեղծվի նոր սահման, և նրանք (ռուսական իշխանությունները – խմբ.) սպասեն, մինչև ամեն ինչ վերադառնա իր բնականոն հունը», - հավելել է Շոլցը:
