Նոր մանրամասներ Երևանի Սպանդարյանի անվան թիվ 24 դպրոցում աշակերտին ծեծելու վերաբերյալ

Ժամեր առաջ համացանցում տարածվեց մի տեսանյութ, որտեղ երևանյան դպրոցներից մեկում ուսուցչուհին դաժանաբար հարվածում է աշակերտի գլխին։ Hraparak.am-ին հաջողվել է պարզել, որ միջադեպը տեղի է ունեցել Երևանի Սպանդարյանի անվան թիվ 24 դպրոցում։

1or.am-ը կապ հաստատեց դպրոցի հետ՝ պարզելու դեպքի հանգամանքները: Տնօրենի ընդունարանից մեզ պատասխանեցին, որ վերջինս զբաղված է և չի կարող պատասխանել հեռախոսազանգին: 

Ներկայացնում ենք աշխատակցուհու հետ մեր կարճ հարցուպատասախանը.

- Դուք իրավասություն ունե՞ք որևէ մեկնաբանություն տալու, գիտե՞ք՝ որ դասարանում է տեղի ունեցել միջադեպը:

- Ես ոչ մի տեղեկություն չունեմ անկեղծ ասած:

- Բայց միջադեպը ձեզ մո՞տ է եղել:

- Ըըըըը, չէ:

- Այսինքն համացանցում շրջանառվող լուրերը չե՞ն համապատասխանում իրականությանը:

- Այո:

Երևանի քաղաքապետարանի հանրային կապերի վարչությունից էլ մեզ տեղեկացրեցին, որ իրենք տեղյակ են խնդրի մասին, այս պահին որևէ հավելյալ տեղեկատվություն տրամադրել չեն կարող, քիչ հետո հայտարարություն կտարածեն:

Մարիամ Նալբանդյան