Վրաստանն այժմ իրական ժամանակում դասեր է քաղում Ուկրաինայի սխալներից. փորձագետ
ՄԻՋԱԶԳԱՅԻՆ
regnum.ru–ն գրում է, որ Վրաստանի համար հակառուսական պատժամիջոցներին միանալը կարող է աղետալի հետևանքներ ունենալ։ Այդ մասին REGNUM-ի թղթակցին ասել է քաղաքագետ Ասլան Ռուբաևը։
«Ռուս-վրացական և ռուս-ուկրաինական հակամարտությունները շատ առումներով նման են: Եվ հենց հիմա Վրաստանն իրական ժամանակում դասեր է քաղում Ուկրաինայի սխալներից։ 2008 թվականին մենք Վրաստանին հնարավորություն տվեցինք ու չմտանք Թբիլիսի, իսկ հետո հեռացանք այնտեղից։ Այդ սխալով մենք նոր հակառուսական խնդիր ստեղծեցինք հետխորհրդային տարածքում»,- ասել է փորձագետը։
Քաղաքագետը նաև ասել է, որ իր աղբյուրների համաձայն՝ շուտով ռուսական շուկայում կարող են հայտնվել վրացական հյութերի շատ ավելի մեծ ծավալներ։ Փորձագետն ընդգծել է երկրների միջև նախկին տնտեսական կապերի, ինչպես նաև ռուս զբոսաշրջիկներից վրացական բյուջեի զգալի եկամուտների կարևորությունը։ Քաղաքագետը նշել է, որ Վրաստանը զգալի վնասներ է կրել վրացական ապրանքների՝ գինու և հանքային ջրերի համար ռուսական շուկաների փակումից։
«Վրացական բնակչությունը հավանություն չի տա հակառուսական պատժամիջոցների կիրառմանը, քանի որ Վրաստանն արդեն ամբողջությամբ պոկվել է Ռուսաստանից և այդպիսով վերածվել է հետխորհրդային տարածքի ամենաաղքատ երկրներից մեկին։ Իսկ հիմա Վրաստանը տեսնում է, որ հակառուսական պատժամիջոցների ներդրումից պարտվում են ոչ միայն փոքր երկրները, այլ նույնիսկ Ամերիկան ու ողջ Եվրոպան։ Եվ հետևաբար Վրաստանի համար այս հակառուսական հիստերիային միանալը պարզապես մահվան պես մի բան է»,- ասել է քաղաքագետը։
Փորձագետը նշել է, որ եթե Անդրկովկասում Թուրքիայի հավակնությունները մեծանան, ապա Վրաստանին ու Հայաստանին կարող է փրկել միայն Ռուսաստանը։ Բացի այդ, Վրաստանը հասկանում է, որ եթե երկիրը միանա հակառուսական պատժամիջոցներին, Ռուսաստանի կողմից կհետևի ծայրահեղ կոշտ արձագանք՝ ընդհուպ մինչև ռազմական ուժի կիրառում։ Քաղաքագետն ընդգծել է, որ Ուկրաինայում հատուկ ռազմական գործողության մեկնարկից առաջ Վրաստանում հակառուսական հռետորաբանությունը շատ ավելի ուժեղ էր, քան հիմա։
«Ռուսական զենքի հզորությունն արդեն երևում է ամբողջ աշխարհում, և նա այլևս չի ուզում խաղալ Ռուսաստանի հետ», - ասել է փորձագետը։
Հիշեցնենք, որ Վրաստանի կառավարությունը հրաժարվել է միանալ արևմտյան երկրների հակառուսական պատժամիջոցներին։
Նյութը հրապարակման պատրաստեց Կամո Խաչիկյանը
