Բրատսկում տեղի է ունեցել հայկական խաչքարի օծումը
ՀԱՍԱՐԱԿՈՒԹՅՈՒՆ
trk-bratsk.tv-ն գրում է, որ Բրատսկում քաղաքի սրբավայրերի քարտեզի վրա տեղի է ունեցել ավելացում՝ նոր հուշատեղի օծման արարողություն։ Ռուս ուղղափառ եկեղեցու եղբայրական թեմի հետ համաձայնությամբ` Քրիստոսի Սուրբ Ծննդյան եկեղեցու մոտ կանգնեցված հայկական պաշտամունքային խաչարը «պաշտոնական» ճանաչում է ստացել։ Հանդիսավոր աղոթքի օրը պատահական չի ընտրվել. դեկտեմբերի 29-ին ուղղափառ քրիստոնյաները նշում են Սուրբ Աստվածածնի մուտքը տաճար, բացի այդ, դա Թադևոս և Բարդուղիմեոս առաքյալների հիշատակության օրն է, ովքեր առաջինն էին, որ քրիստոնեական հավատքը բերել են հայաստանյան հողեր: Հրաշակերտ խաչքարը հայ վարպետների հմուտ ձեռքերով վարդագույն տուֆից պատրաստված և Գյումրիից Բրատսկ տեղափոխված խաչքար է։ «Կենաց ծառ» խաչքարի բարձրությունը 3,5 մետրից ավելի է։
Տերն ասել է մեզ. «Վերցրո՛ւ քո խաչը և հետևի՛ր ինձ»: Եթե մենք մեր արարքներն ընկալենք որպես խաչակրություն, որպես երկնքի արքայություն տանող ճանապարհ, ապա մեր կյանքում ամեն ինչ կստացվի. և քաղաքը կլինի բարգավաճ, և մեզանից յուրաքանչյուրի ընտանիքը:
Խաչի օծման արարողությունը կատարել են Ռուս Ուղղափառ և Հայ Առաքելական եկեղեցիների հոգևորականները։ Արարողությանը մասնակցել է ավելի քան 100 մարդ։ Դրանք քաղաքի բնակիչներն ու հյուրերն են եղել, այդ թվում հայկական պատվիրակության անդամները։
Հայ Առաքելական Եկեղեցու Ռուսաստանի և Նովո-Նախիջևանի թեմի «Սուրբ Աստվածածին» եկեղեցու առաջնորդ Տեր Գրիգոր քահանան ասել է. «Հուսով ենք, որ այս գեղեցիկ պաշտամունքային Խաչը, որը խորհրդանշում է կյանքը, հաղթանակը մահվան դեմ, այս քաղաքում միայն բարիք կբերի։ Մենք նաև բերում ենք մեր օրհնությունը և հավատում, որ այսուհետ քաղաքում հայտնվել է մի նոր սրբավայր, որը կլուսավորի մեր եղբայրական ժողովուրդների կյանքը։ Ապագայում Երկրպագության Խաչը կդառնա ազգային տոների ժամանակ և Հայոց ցեղասպանության զոհերի հիշատակի տխուր օրվա աղոթքի վայր»։
Նյութը հրապարակման պատրաստեց Կամո Խաչիկյանը
