Առցանց հարթակում թողարկվել է Անդրեասյան եղբայրների «Մանյունյա» կատակերգական սերիալը

proficinema.ru–ն գրում է, որ դեկտեմբերի 15-ին կկայանա «Մանյունյա» կատակերգական սերիալի պրեմիերան, որը Նարինե Աբգարյանի պատմվածքի էկրանային տարբերակն է։ Նախագիծը բաղկացած է մինչև 20 րոպե տևողությամբ 10 դրվագից։ Այն հնարավոր կլինի դիտել Okko առցանց հարթակում։ Սերիալի պրոդյուսերներն են Ղևոնդ Անդրեասյանը և Սարիկ Անդրեասյանը։

Սոչիում ընթացող «Կինոտավր» ռուսական ֆիլմերի 32-րդ բաց փառատոնի արտամրցութային սերիալային շոուի շրջանակներում է տեղի ունեցել «Մանյունյա» ֆիլմի պրեմիերան։ Նաև ֆիլմի  առաջին դրվագները ցուցադրվել են Կրասնոյարսկի գրքի մշակույթի տոնավաճառում և Հայաստանում Okko ծառայության մեկնարկի ժամանակ, որտեղ շարքը ներկայացրել է անձամբ պատմվածքի հեղինակը։

Հայաստան, 1979 թվական։ Լեռներ, արև, գեղեցիկ կանաչ մարգագետիններ և տոնական տրամադրություն։ Դպրոցում զվարճալի դրվագից հետո աղջիկները՝ Նարինեն (Կարինա Կագրամանյան) և Մանյունյան (Եկատերինա Տեմնովա) դառնում են լավագույն ընկերներ։ Շատ արագ կադրում հայտնվում են գլխավոր հերոսների զվարճալի հարազատները։ Հատկապես աչքի է ընկնում Մանունու տատիկ Բան (Նոննա Գրիշաևա)։ Նարինեն շատ էր վախենում այդ խիստ կնոջից, բայց նրանց ծանոթության ժամանակ պարզվում է, որ Բան թխվածքաբլիթներ է թխում՝  բերանում հալչող համեղ խնձորի կարկանդակ։ Անհանգիստ աղջիկներին սպասում են շատ զվարճալի արկածներ: