Հակամարտությունը Լեռնային Ղարաբաղում. արդյո՞ք բանակցությունները կփոխարինեն պատերազմին
ՀԱՍԱՐԱԿՈՒԹՅՈՒՆ
regnum.ru-ն գրում է, որ ավելի քան մեկ տարի առաջ է ստորագրվել եռակողմ խաղաղության պայմանագիր (Ռուսաստան-Ադրբեջան-Հայաստան), որի օգնությամբ դադարեցվել է ղարաբաղյան երկրորդ պատերազմը։ Համաձայնագիրը վերջ է դրել արյունահեղությանը և սկիզբ դրել տարածաշրջանը խաղաղ կյանքի վերադարձնելու գործընթացին։ Անկասկած, Ադրբեջանը դարձել է պատերազմի հաղթողը վերականգնելով վերահսկողությունը 1990-ականների սկզբին կորցրած տարածքների նկատմամբ։ Ինչ վերաբերում է Հայաստանին, ապա Երևանում առաջարկվում է ստեղծել հանձնաժողով, որը կուսումնասիրի 44-օրյա պատերազմում կրած պարտության բոլոր հանգամանքները: Այդ մասին գրել է «ՌՈՒՍՍՏՐԱՏ» միջազգային քաղաքական և տնտեսական ռազմավարությունների ինստիտուտը։ Հրանոթների լռելուց հետո նախկինում արյունալի պատերազմին պասիվորեն հետևող Արևմուտքն ակտիվացել է։ Ավելի ու ավելի հաճախ են ձայներ լսվում, որ ձեռք բերված համաձայնությունը «թերի» կամ «ժամանակավոր» է, քանի որ ռուս խաղաղապահների ներկայությունը Լեռնային Ղարաբաղում լինելու է ընդամենը հինգ տարի, իսկ բուն ԼՂՀ կարգավիճակը որոշված չէ։
Նախատեսվում է ԵԱՀԿ Մինսկի խմբին ներգրավել տարածաշրջանում կյանքի հետագա նորմալացմանը, ինչը զգալիորեն կնվազեցնի Ռուսաստանի դերը որպես դատավոր։ Հենց այդ տարբերակն էլ փրկօղակ կդառնա Հայաստանի պարտության հիմնական պատասխանատվությունը կրող Նիկոլ Փաշինյանի համար։ Մյուս կողմից, զենքի մատակարարման միջոցով Ադրբեջանին ցուցաբերվող համատարած աջակցությունը Թուրքիային թույլ է տվել դառնալ տարածաշրջանային տերություն։ Այժմ Անկարան և Բաքուն առաջարկում են կարգավորել տնտեսական համագործակցությունը և ապաշրջափակել հաղորդակցությունը Լեռնային Ղարաբաղում, սակայն նրանք առաջարկում են դա անել բացառապես իրենց սեփական սցենարով։ Այս պահին կողմերի դիրքորոշումները էապես տարբերվում են, և փոխադարձ զգայուն պահերն ու ազգային շահերը էապես խոչընդոտում են կառուցողական երկխոսությանը։ Կողմերը չեն կարող հստակորեն սահմանել բոլոր կողմերի առաջնահերթություններն արտացոլող օրակարգ, ինչը նշանակում է, որ ուղղակի պետք է սպասել իրադարձությունների հետագա զարգացմանը։
Նյութը հրապարակման պատրաստեց Կամո Խաչիկյանը
