Հայաստանում շտապել են կշտամբել «ծույլ» Ռուսաստանին, բայց պետք է պայքարել Սյունիքի համար
ՀԱՍԱՐԱԿՈՒԹՅՈՒՆ
eadaily.com-ը գրում է, որ Ռուսաստանը ոչ ոքի ոչինչ պարտք չէ: Այդ մասին ասել է ռուս ռազմական փորձագետ Ալեքսանդր Խրամչիխինը մեկնաբանելով հայ-ադրբեջանական սահմանին տեղի ունեցած լայնածավալ սրացումից հետո ստեղծված իրավիճակը։ Զրուցակիցը նշել է, որ դեռ վաղ է մանրամասն գնահատականներ տալ տեղի ունեցած զինված դիմակայությանը, սակայն ակնհայտ է, որ «Ռուսաստանը չի ցանկանում ներքաշվել ռազմական հակամարտության մեջ»։ «Ինչու՞ պետք է Ռուսաստանն ավելին աներ Հայաստանի համար, քան ինքը Հայաստանը։ Ռուսաստանը ոչ մեկին պարտք չէ»,- ասել է Խրամչիխինը։
Ավելի վաղ Հայաստանի քաղաքական և փորձագիտական շրջանակներում կրկին խոսվել էր այն մասին, որ Ռուսաստանը հերթական անգամ դրսևորել է «դաշնակիցներին չպաշտպանելու միտում», և նման դաշինքում գտնվող պետությանը Մոսկվան ռազմաքաղաքական հատուկ նախապատվություններ չի տալիս։ Միաժամանակ սկսել են կարծիքներ հնչել Հավաքական անվտանգության պայմանագրի կազմակերպությունում Հայաստանի մնալու նպատակահարմարության մասին։
Այս առումով պետք է հիշել, որ Մոսկվան ամենաօպերատիվ ռեժիմով է դադարեցրել մարտերը հայկական Սյունիքում, ինչպես դա արել էր Լեռնային Ղարաբաղում 2020 թվականի աշնանը։ Ճիշտ է, այն ժամանակ Երևանն ու Բաքուն «հաշտեցնելու» համար պահանջվել էր 44 օր։
Ինչ վերաբերում է Ռուսաստանի կողմից իր դաշնակիցներին «անբավարար» պաշտպանելու կոչերին, ապա դա վաղուց անհնար է իրականացնել ուղղակի ռազմական միջոցներով Հարավային Կովկասում շարունակվող հայ-ադրբեջանական հակամարտության դեպքում։ Հայաստանի բացառիկ պարտքն է պաշտպանվել և առաջինը հակահարված տալ ագրեսիային։ Ռուսաստանը չի կարող իր զորքերը տեղակայել Անդրկովկասյան երկու հանրապետությունների ողջ 520 կիլոմետրանոց սահմանի երկայնքով և ապահովել տարածաշրջանում հայկական բոլոր ռազմական դիրքերի անձեռնմխելիությունը։ Նրա կողմից դաշնակցի աջակցությունը եղել է, կա և կլինի։ Բայց այն, որ ինչ որ մեկ ուրիշը կռվի հենց Հայաստանի փոխարեն, դա պետք է նվաստացուցիչ լինի առաջին հերթին հենց մեծագույն հայ ժողովրդի համար։
Նյութը հրապարակման պատրաստեց Կամո Խաչիկյանը
