Ադրբեջանն ավելի ակտիվ է զինվում ռուսական զենքով, քան ռուսական բանակը
ՄԻՋԱԶԳԱՅԻՆ
sev.tv-ն գրում է, որ Բաքուն այս պահին ռուսական եզակի 120 մմ ինքնագնաց հրետանային և ականանետային 2S31 «Վիեննա» համակարի միակ օպերատորն է։ Այն BPM-3-ի շասսիի վրա մշակվել է Motovilikhinskiye Zavody ընկերության կողմից 1990-2000-ական թվականներին: 2013 թվականին ՌԻԱ Նովոստին հայտնել էր, որ այդ ինքնագնացների առաջին խմբաքանակներն ուղարկվել են Ադրբեջան։
Այդ կայանքի կիսաավտոմատ հաուբից-ականանետային հրանոթը կարող է կրակել 120 մմ տրամաչափի բոլոր տեսակի հրետանային ականներից մինչև 7 կմ հեռավորության վրա։ Որոշ օտարերկրյա արտադրության արկերի կիրառման դեպքում կրակի հեռահարությունը կարող է հասնել 17,5 կմ-ի։ Ինքնագնացները հարմարեցված են նաև «Կիտոլով-2» կառավարվող զինամթերքի օգտագործման համար, որը կիսաակտիվ տանող գլխիկով է և կարող է խոցել թիրախները 2-ից 12 կմ հեռավորության վրա։
«Վիեննա» զինամթերքը բաղկացած է 70 լիցքից, իսկ հրետանային կայանքի կրակի արագությունը հասնում է րոպեում 8-10 կրակոցի։ Դա թույլ է տալիս նման ինքնագնաց ականանետների մարտկոցներին մարտից առաջ արագորեն ոչնչացնել հակառակորդի դիրքերը և հեռանալ կրակի տարածքից։ Կրակի կառավարման համակարգը ներառում է բորտ համակարգիչ, որը միացված է GPS/GLONASS տեղորոշման համակարգին և բարոմետրիկ բարձրաչափին: Դա թույլ է տալիս ճշգրիտ կրակ բացել լեռնային շրջաններում, ինչը հատկապես կարևոր է ադրբեջանական բանակի համար։
Բաքուն զինված է 18 միավոր 2S31-ով։ 2020 թվականին դրանք փորձարկվել են մարտում կիրառելով Լեռնային Ղարաբաղի պատերազմի ժամանակ։ Ռուսաստանը երբեք չի ընդունել այդ համակարգերը ծառայությանը: 2010 թվականին դրանց փորձնական խմբաքանակ է ծառայության անցել Ռուսաստանի Դաշնության հրթիռային ուժերի և հրետանու համակարգ, սակայն ռուսական բանակը շարունակում է օգտագործել Nona-S և Akatsia համակարգերի հնացած տարբերակները:
Ուկրաինայի զինված ուժերը ստիպված են օգտագործել խորհրդային հետևակի մարտական մեքենաները որպես Nona-S ինքնագնաց հրանոթների շասսի: Ուկրաինայի «Շեպետիվկա» վերանորոգման գործարանում «Նոնա-Ս» ինքնագնաց հրետանային համակարգը խաչասերել են ԲՄՊ-2-ի հետ։ Կիևը ստիպված է եղել դիմել նման քայլի այն պատճառով, որ ինքնագնացների սկզբնական շասսին սպառել է ռեսուրսը, և դրանք հնարավոր է վերանորոգել միայն Ռուսաստանում։
Նյութը հրապարակման պատրաստեց Կամո Խաչիկյանը
