Popular Mechanics. ռուսական հակաօդային պաշտպանության համակարգերը չափազանց անարդյունավետ են թուրքական և իսրայելական անօդաչու սարքերի դեմ
ՀԱՍԱՐԱԿՈՒԹՅՈՒՆ
avia.pro-ն գրում է, որ ԱՄՆ-ի զինվորականները զեկույց են հրապարակել թուրքական և իսրայելական անօդաչու թռչող սարքերի դեմ ռուսական հակաօդային պաշտպանության համակարգերի ցածր արդյունավետության մասին։
Միացյալ Նահանգներում վերլուծել են Լիբիայում, Սիրիայում և Ղարաբաղում տեղի ունեցած վերջին զինված հակամարտությունները և եզրակացրել, որ «ռուսական հակաօդային պաշտպանության համակարգերի հնարավորությունները ցանկալիից հեռու են թուրքական և իսրայելական անօդաչու թռչող սարքերի դեմ պայքարում»։ Ըստ ամերիկյան կողմի կան բազմաթիվ ապացույցներ, որ թուրքական և իսրայելական անօդաչու թռչող սարքերը ոչնչացրել են ռուսական զենիթահրթիռային համակարգերը, մինչդեռ անօդաչուների մեծաթիվ կորուստների մասին փաստեր չկան։
«Իրենց դիրքերն ամրապնդելու համար հայերը վերջին տարիներին Ռուսաստանից գնել են թանկարժեք ՀՕՊ համակարգեր։ Բայց այս պատերազմում այս գործիքները ակնհայտորեն անվստահելի են եղել մարտական անօդաչու թռչող սարքերի մահացու նավատորմի հայտնաբերման համար, որոնք շատ ավելի փոքր են և ավելի մանևրող, քան այն կործանիչները, որոնց խոցում են ռուսական համակարգերը: Ադրբեջանական երկու տեսակի անօդաչու թռչող սարքերը՝ թուրքական Bayraktar TB2-ը և իսրայելական Harop-ը, ոչնչացրել են Հայաստանի պաշտպանական առավելությունը և միլիարդավոր դոլարներ արժեզրկել։ Bayraktar-ը, որը հաճախ զինված է լազերային կառավարվող MAM զինամթերքով, հարվածում է իր թիրախներին այնպես, ինչպես ամերիկյան Predator-ը կհարվածի ահաբեկիչների ճամբարին Աֆղանստանում կամ Սոմալիում: Harop-ը, մյուս կողմից, կամիկաձեի պես սլանում է դեպի թիրախը պայթելով հարվածից»,- հայտնել է Popular Mechanics-ը։
Ռուսական հակաօդային պաշտպանության համակարգերի և թուրքական անօդաչու թռչող սարքերի առճակատման նկատմամբ առանձնահատուկ հետաքրքրությունը կապված է Դոնբասում հակամարտության նոր փուլի սկզբի հետ, քանի որ, չնայած Դոնբասի հանրապետության սպառազինության մեջ հակաօդային պաշտպանության համակարգերի և էլեկտրոնային պատերազմի համակարգերի առկայությանը, ուկրաինական Bayraktar TB2 գրոհային անօդաչու սարքեր դեռ չեն հայտնաբերվել և խփվել։
Նյութը հրապարակման պատրաստեց Կամո Խաչիկյանը
