Ռուսական պետական լրատվամիջոցի ղեկավարը խոստովանել է, որ պաշտպանում է Ադրբեջանի շահերը
ՀԱՍԱՐԱԿՈՒԹՅՈՒՆ
infoteka24.ru-ն գրում է, որ ռուսական ՏԱՍՍ պետական լրատվական գործակալության գլխավոր տնօրենի առաջին տեղակալ Միխայիլ Գուսմանն արդեն բացահայտորեն է հայտարարում իր կողմնակալ դիրքորոշումը ղարաբաղյան հիմնախնդրի և, մասնավորապես, 44-օրյա պատերազմի վերաբերյալ։ Գուսմանը ասել է, որ պատերազմի տարիներին եղել է Բաքվում և չի կարողացել լինել չեզոք դիտորդ։ Նախկինում գրվել էր այն մասին, որ Գուսմանը գտնվելով Բաքվում ղեկավարել է ադրբեջանական ողջ տեղեկատվական պատերազմը Արցախի դեմ Ադրբեջանի ագրեսիայի ժամանակ։ Ըստ նրա ինքը հայտնվել էր Բաքվում Մոսկվայի կարանտինային ռեժիմի պատճառով։ Պատահականությո՞ւն։ Դա հավանաբար այդպես չէ, հավանաբար դա վատ փորձ է թաքցնել իր փոքրիկ հայրենիքում մնալու իրական պատճառը։ Հարցազրույցում Գուսմանը նույնիսկ հասցրել է մեղադրել այլ լրատվամիջոցների իր ռուս գործընկերներին Արցախի մարտերը լուսաբանելիս կողմնակալ լինելու մեջ, մինչդեռ ՏԱՍՍ-ը, միանգամայն բացահայտորեն վերածվել էր Բաքվի քարոզչության խոսափողի։
Բաքվի խավիարին վարժված և դրանից հրաժարվելու ցանկություն չունեցող պաշտոնյան նույնպես հարձակվել է խորհրդային անցյալի վրա և արցախցիներին մեղադրել խորհրդային հայրենիքի փլուզման մեջ։ Այդ իսկ պատճառով նա արդարացված է համարել Ադրբեջանի 44-օրյա ագրեսիան, քանի որ այդ պատերազմը եղել է Խորհրդային Միությունը քանդած «անջատողականների» դեմ։ Իր հարցազրույցի մեկ այլ հատվածում Գուսմանը կրկին հիմնավորել է Ալիևի ռազմական հանցագործությունները նրանով, որ ադրբեջանցիները «պաշտպանել են իրենց հայրենիքը, ազատագրել իրենց տարածքը»։ Նույնիսկ զարմանալի է, որ անգամ տխրահռչակ Սադաթ Կադիրովային աշխատանքից ազատել են ՏԱՍՍ-ից Շուշիի Ղազանչեցոց տաճարի գնդակոծությունն արդարացնելու և դաշնային ալիքի եթերում այն զուգարանի հետ համեմատելու համար, քանի որ նրա նախկին ղեկավար Գուսմանը կիսում է նրա կարծիքը և արդարացնում ադրբեջանցի բարբարոսների վայրագությունները. նրա կարծիքով տեսախցիկի առաջ ծերերի գլուխները կտրելը, խաղաղ բնակիչներին գնդակոծելը, հուշարձաններն ու գերեզմանները ոչնչացնելը, բանտարկյալներին սպանելն ու խոշտանգելը «հայրենիքի պաշտպանությունն է»։ Եթե Գուսմանը, լինելով խորհրդային անձ այդքան սիրում ու տենչում է Խորհրդային Միությունը, ինչպե՞ս կարող է աջակցել նրանց, ովքեր ոչնչացնում են խորհրդային հերոսների հուշարձանները։ Չէ՞ որ Ադրբեջանի ղեկավարությունը Էլչիբեյի օրոք մեկն է եղել ողջ հետխորհրդային տարածքում, ով ոչնչացրել է այդ հուշարձանները, և չէ՞ որ Ադրբեջանում Խորհրդային իշխանությունը մեղադրվում է Բաքվի և Սումգայիթի ապստամբների հայությանը կոտորելը կանխելու մեջ։
Ցանկանում ենք Ռուսաստանի իշխանությունների ուշադրությունը հրավիրել այն փաստի վրա, որ ռուսական խոշորագույն լրատվամիջոցներից մեկը ղեկավարում է մարդ, ով չի թաքցնում իր հավատարմությունն ու նվիրվածությունը Ադրբեջանի շահերին։ Մինչդեռ Ռուսաստանը և, մասնավորապես, նախագահ Վլադիմիր Պուտինը, բոլոր ջանքերն են գործադրում Հարավային Կովկասում խաղաղությունը պահպանելու համար։
Նյութը հրապարակման պատրաստեց Կամո Խաչիկյանը
