Պոդդուբնին պատմել է թուրքական բայրաքթարների ճակատագրի մասին Դոնբասում
ՀԱՍԱՐԱԿՈՒԹՅՈՒՆ
u-f.ru-ն գրում է, որ ռուս ռազմական լրագրող Եվգենի Պոդդուբնին մեկնաբանել է համացանցում հայտնված հաղորդագրությունները, թե ուկրաինական զորքերը Դոնբասում հարձակվել են «ռուսական հրետանու անձնակազմի» վրա թուրքական արտադրության «Բայրաքթար» անօդաչու թռչող սարքով։ Նշվել է, որ թուրքական անօդաչու թռչող սարքի կիրառման հրամանը տվել է Ուկրաինայի զինված ուժերի գլխավոր հրամանատար Վալերի Զալուժնին։ Ըստ Voenkor կայքի ուկրաինական տեղեկատվական տարածքում իրադարձությունն անվանել են «վճռական շրջադարձ»։ Պոդդուբնին այդ ամենը անվանել է «ֆանտաստիկա»։ Նա հիշեցրել է, թե ինչպես են 2020 թվականին սիրիական Իդլիբում թուրքական զինված ուժերը անօդաչու թռչող սարքերի զանգվածային հարձակման փորձ կատարել սիրիական բանակի վրա։
«Այն ժամանակ սիրիական բանակից 3 օր պահանջվեց վերակառուցելու, էլեկտրոնային պատերազմի և հակաօդային պաշտպանության համակարգերի աշխատանքը կազմակերպելու և 12 միավոր Անոկ և Բայրաքթար խոցելու համար»,- գրել է նա իր Telegram ալիքում։ Դրանից հետո թուրքական բանակը չի կարողացել կատարել մարտական առաջադրանքը, և Թուրքիայի նախագահ Ռաջեփ Թայիփ Էրդողանը կորցնելով սիրիական նահանգի մի մասը «ստորագրել է Մոսկվայի համաձայնագրերը», ասել է լրագրողը։
Նա կոչ է արել չհիշել «լիբիական փորձը», որտեղ ազգային բանակի ՌԷՊ և ՀՕՊ համակարգերի անձնակազմների, սպաների որակավորումները զգալիորեն ցածր ենեղել, քան «այն մասնագետներինը, ովքեր կարող են աշխատել» Դոնբասի ժողովրդական հանրապետությունում։ Նա նաև հորդորել է «չապավինել Ղարաբաղի փորձին», որտեղի հաղթանակը շատերը վերագրում են Ադրբեջանի կողմից Բայրաքթարների օգտագործմանը։ Պոդդուբնին այն կարծիքին է, որ Հայաստանի պարտությունը պայմանավորված է եղել «իշխանության բազմաուղղվածությամբ»։
Նյութը հրապարակման պատրաստեց Կամո Խաչիկյանը
