Կովիդի դեմ պատվաստումից հետո մեռնում են միայն ծերերը և հիվանդները
ՀԱՍԱՐԱԿՈՒԹՅՈՒՆ
medikforum.ru-ն գրում է, որ Իտալիայում կատարված ուսումնասիրությունը ցույց է տվել, որ մարդիկ, ովքեր ամբողջությամբ պատվաստված են կորոնավիրուսի դեմ, չեն մահանում այդ հիվանդությունից։ Նման հնարավորությունը կա միայն շատ տարեց կամ ծանր հիվանդ մարդկանց մոտ:
Առողջապահության ազգային ինստիտուտը հրապարակել է COVID-19-ից իտալացիների մահվան դեպքերի վերաբերյալ զեկույցի արդյունքները։ Չնայած պատվաստումներին, որոնք ուղղված են հիմնականում տարեցների պաշտպանությանը, իտալացիների միջին տարիքը, ովքեր մահացել են Covid-ից 85 տարեկան է եղել: Ընդ որում, բացի կորոնավիրուսից, յուրաքանչյուրն ունեցել է ևս 4-5 հիվանդություն։ Խոսքը միայն պատվաստվածների մասին է։ Մահացած չպատվաստվածների միջին տարիքը եղել է 78 տարեկան։ Միաժամանակ նրանք ունեցել են երեք-չորս ուղեկցող հիվանդություններ։ Ամենից հաճախ որպես ուղեկցող հիվանդություններ անվանվել են սրտանոթային հիվանդությունները, ծերունական դեմենսիան և քաղցկեղը։ Նման մարդկանց մոտ առավելագույնի է հասցված կորոնավիրուսից մահվան վտանգը ինչպես պատվաստված, այնպես էլ չպատվաստված լինելու դեպքում։ Այս վերլուծությունն իրականացվել է այս տարվա փետրվարի 1-ից հոկտեմբերի 5-ը։ Հետազոտողները կենտրոնացել են չպատվաստվածների շրջանում կորոնավիրուսից մահվան 671 դեպքի և պատվաստվածների շրջանում՝ 171 մահվան դեպքերի վրա։ Այդ ընթացքում Իտալիայում կորոնավիրուսից մահացել է 38096 մարդ, որից 33620-ը պատվաստված չեն եղել, 2130-ը ստացել են պատվաստանյութի միայն մեկ բաղադրիչ կամ վարակվել պատվաստումից անմիջապես հետո մինչև հակամարմինների ձևավորումը, իսկ 1440-ը լիովին պատվաստված են եղել։ Նշենք, որ Իտալիայում արդեն իսկ պատվաստված են 12 տարեկանից բարձր տարիքի բնակչության 80% -ը: Ռուսները կարող են միայն երազել նման թվերի մասին:
Նյութը հրապարակման պատրաստեց Կամո Խաչիկյանը
