«Նա լավ ստախո՞ս է, թե՞ մենք ենք անգրագետ». «Azadliq» թերթի գլխավոր խմբագիրը քննադատել է Ալիևին
ՀԱՍԱՐԱԿՈՒԹՅՈՒՆ
infoteka24.ru-ն գրում է, որ Ադրբեջանական «Azadliq» (Ազատություն) թերթի գլխավոր խմբագիր Գանիմաթ Զահիդը մեղադրել է Ադրբեջանի նախագահ Իլհամ Ալիևին շահարկումների, կոռուպցիայի և անձնական շահերի համար պետական միջոցների օգտագործման մեջ․ «Գիտեք, որ ես Իլհամ Ալիևին համարում եմ պատահական մարդ քաղաքականության մեջ, բայց ես ընդունում եմ, որ նա այս երկրում շատերին է խաբել։ Ֆուզուլիում, Զանգելանում, Լաչինում, որտեղ դեռ ոչ ոք չի ապրում, նա 100 միլիոն դոլար արժողությամբ օդանավակայաններ է կառուցում։ Ինչու՞ են կառուցվում այդ օդանավակայանները: Բոլորն էլ գիտեն, որ Լենքորանի, Գաբալայի և Զագաթալայի, որտեղ շատ մարդիկ են ապրում, օդանավակայանները անախորժությունների դարման չեն։ Եվ ինչու՞ են նրանք 3 թանկարժեք օդանավակայաններ կառուցում ամայի վայրում, և իրար կողքի, եթե ակնհայտ է, որ այժմ դրանցից առնվազը երկուսի կարիքը չկա: Առաջին հերթին, քանի որ այսուհետ Իլհամ Ալիևը հաճախ է իր օրերը անց կացնելու Ղարաբաղում: Երբ խոսք է գնում օֆշորային միլիարդների մասին, Լոնդոնում նրա ավելի քան 700 միլիոն դոլար անշարժ գույքի մասին, նա հիշում է Ղարաբաղը հույս ունենալով փոխել օրակարգը: Բայց մեքենայով այդքան հաճախ ճանապարհորդելը դժվար է: Առաջին հերթին նա կառուցելու է այդ օդանավակայանները, որպեսզի ինքնաթիռով կարողանա հասնել Ղարաբաղ:
Երկրորդ հերթին օդանավակայանի կառուցման արդյունքում լավ գումարներ կմնան։ Նա օդանավակայաններ է կառուցում, որպեսզի Սահիլ Բաբաևը այդ շինարարական նախագծերի պատրվակով բյուջեից հանի հաշմանդամների և թոշակառուների համար նախատեսված գումարները և անհրաժեշտության դեպքում ուղղի Լոնդոնի անշարժ գույքի շուկա։
Նայեք, թե մարդն ինչքան է վաստակում իր հաջող «բիզնես» գործողությունից։ Անգամ կուշտ, լացկան և միամիտ ադրբեջանցիներն են ուրախությունից լաց լինում, որ, փառք Աստծո, Ֆիզուլիում և Զանգիլանում օդանավակայաններ են բացվել: Եվ դա նաև բոնուս է, հավելյալ եկամուտ Իլհամ Ալիևի համար։ Շողոքորթող-մտավորականներին պետք է թեմա տալ, որպեսզի նրանք կարողանան սիրաշահել ու ցույց տալ իրենց տաղանդը։ Տեսնու՞մ եք, թե ինչպես է այս պատահական քաղաքական գործիչը խաբում ու ծաղրում այդքան մարդկանց։ Հիմա հիմնական հարցը սա է․ նա լավ ստախո՞ս է, թե՞ մենք ենք չափազանց անգրագետ»։
Նյութը հրապարակման պատրաստեց Կամո Խաչիկյանը
