Փորձագետ. Ուկրաինան կարող է օգնել Հայաստանին դուրս գալ աշխարհաքաղաքական փակուղուց
ՀԱՍԱՐԱԿՈՒԹՅՈՒՆ
fraza.com-ը գրում է, որ Ուկրաինացի միջազգային փորձագետ Իլիա Կուսան հայկական ArmDaily հրատարակությանը տված հարցազրույցում անդրադարձել է Երևանի և Կիևի համար կարևոր թեմաների:
Հարցազրույցի ընթացքում քննարկվել են ԱՄՆ -ի հետ Ուկրաինայի և Հայաստանի հարաբերությունների, ԵՄ -ին Հայաստանին ցուցաբերվող աջակցությանը, ղարաբաղյան կարգավորմանը և շատ այլ հարցեր:
Մասնավորապես, պատասխանելով այն հարցին, թե արդյո՞ք Ուկրաինան կարող է տնտեսապես դառնալ Ռուսաստանի փոխարեն այլընտրանք Հայաստանի համար, փորձագետը նշել է, որ հնարավոր չի լինի ամբողջությամբ փոխարինել Ռուսաստանին, առավել ևս կարճ ժամկետներում, դա շատ դժվար կլինի, բայց այդ առումով դիվերսիֆիկացիա հնարավոր է:
Ուկրաինան այն երկրներից է, որի միջոցով Հայաստանը կարող է դիվերսիֆիկացնել իր արտաքին քաղաքականությունը, այն երկրներից է, որը կարող է օգնել Հայաստանին դուրս գալու արտաքին քաղաքական փակուղուց, որում հայտնվել է, աշխարհաքաղաքական մեկուսացման պատճառով, քանի որ Հայաստանի աշխարհագրությունը շատ դժվար է, և եթե նայեք դրան, ապա այս մեկուսացումը պետք է ճեղքվի այն երկրների հետ հարաբերությունների միջոցով, որոնք կամուրջ են ծառայում տարբեր տարածաշրջանների միջև:
Ուկրաինան, սկզբունքորեն, թե՛ աշխարհագրորեն, թե՛ լոգիստիկորեն, նման դեր է կատարում, և այստեղ հեռանկարներ կան՝ առաջին հերթին էներգետիկայի ոլորտում և, հնարավոր է, ռազմարդյունաբերական համալիրում, որը, սակայն, զգայուն հատված է, քանի որ հավանաբար ռուսական լոբբին թույլ չի տա, որ նման հարաբերություններ ձևավորվեն, քանի որ Ռուսաստանին ձեռնտու է Հայաստանը պահել իր ուղեծրում, քանի որ ռազմարդյունաբերական համալիրի ռուսական ընկերություններն են գերակայում հայկական շուկայում: Բայց ռազմարդյունաբերական համալիրում ներուժ կա:
Իսկ քաղաքական դիվերսիֆիկացիայի արտաքին քաղաքականության տեսանկյունից, եթե Հայաստանը կարողանա միջոցներ գտնել տարբեր իրավիճակային տարածաշրջանային նախաձեռնություններում ներգրավվելու համար Ուկրաինայի հետ միասին, ապա դա կլինի արտաքին քաղաքականության մեծ ձեռքբերում և տարածաշրջանային մակարդակ մտնելու Հայաստանի քայլերից մեկը, քանի որ Հայաստանի խնդիրն այն է, որ երկիրը գտնվում է աշխարհաքաղաքական մեկուսացման մեջ և առանձնապես չի մասնակցում տարածաշրջանային նախաձեռնություններին:
Նյութը հրապարակման պատրաստեց Կամո Խաչիկյանը
