Բանակում համտեսել են աշխարհի ամենահին խոհանոցներից մեկի ուտեստները
ՀԱՍԱՐԱԿՈՒԹՅՈՒՆ
obzor-gazet.ru-ն գրում է, որ Եկատերինբուրգ քաղաքի թիվ 22316 և Պերմի թիվ 88503 զորամասերում անց են կացվել Ազգային խոհանոցների ավանդական օրեր: Այդ անգամ զինվորներին առաջարկվել են Հայաստանի խոհարարական գլուխգործոցները:
Զինվորի հացի և կարագի սեղանը լրացվել է «Երևանյան» և «Կրճիկ» ապուրներով, որպես երկրորդ մատուցվել է քյաբաբ- կոլոլակ, շոգեխաշած բանջարեղենային «Այլազան» և տավարի «Խոզանի»: Բոլոր ուտեստները պատրաստվել են սննդամթերքի ամենօրյա ստանդարտ փաթեթից: Ազգային խոհանոցի օրերին խոհարարները ստեղծագործաբար են մոտենում ճաշացանկին՝ թեմատիկ կերպով զարդարում են ստենդները, յուրաքանչյուր ճաշատեսակի համար պատրաստում են տեղեկատվական բուկլետներ: Ազգային խոհանոցի օրերը սովորական ճաշը վերածում են հետաքրքիր ճանապարհորդության տարբեր ազգությունների խոհարարական ավանդույթների միջոցով:
Բանակի ճաշարաններում կրթական ուղղությամբ անսովոր ճաշացանկ հայտնվել է այն բանից հետո, երբ սննդի ծառայության խոհարարներն են սկսել ուտելիք պատրաստել զինծառայողների համար: Ճաշարանի վերակարգերը արդեն անցյալում են, և հիմա զինվորը կարող է լիովին նվիրվել մարտական առաքելությունների լուծմանը իմանալով, որ մասնագետների կողմից պատրաստված տաք և համեղ ուտեստ է ստանալու օրական մի քանի անգամ: Բանակում սնունդը կազմակերպվում է «շվեդական սեղան» համակարգով: Ճաշը ներառում է. ապուր, տաք ուտեստ մսից, ձկից կամ թռչնամսից, խմիչք, ինչպես նաև բանջարեղենային աղցան: Սնունդը պատրաստված լինելով համապատասխան ձեռնարկությունների տեխնոլոգների կողմից, լիովին հավասարակշռված է սննդային արժեքի առումով և ծածկում է մարմնի կալորիաների կարիքները հաշվի առնելով զինծառայողի կալորիաների սպառումը, զորամասի գտնվելու վայրը և տարվա եղանակը:
Զնվորներին անսովոր ուտեստներ են առաջարկվում ոչ միայն Ազգային խոհանոցների օրերին, այլ նաև պետական տոներին: Նոր տարին և Մասլենիցան նույնպես փոփոխություններ են մտցնում ճաշացանկում: Բացի այդ, խոհարարները երես են տալիս զինվորներին նրանց ծննդյան օրերին մատուցելով տարբեր միջուկներով համեղ կարկանդակներ ու տորթեր:
Նյութը հրապարակման պատրաստեց Կամո Խաչիկյանը
