Սոցիոլոգը բացատրել է ռուսաստանցիների վախերը միգրանտներից
ՄԻՋԱԶԳԱՅԻՆ
rambler.ru-ն գրում է, որ մշակույթների բախումը միգրանտների նկատմամբ մոսկվացիների վախի և գրգռման հիմնական պատճառներից մեկն է: Այս մասին Moslenta-ին տված հարցազրույցում ասել է սոցիոլոգիայի դոկտոր, Ժողովրդագրական հետազոտությունների ինստիտուտի «Էթնո-ժողովրդագրական և ինտեգրացիոն գործընթացների» բաժնի վարիչ Վիկտորիա Լեդենևան: «Վերջին տարիներին մայրաքաղաքում չափազանց շատ միգրանտներ են հայտնվել, և մոսկվացիները պարբերաբար հանդիպում են նրանց հասարակական տրանսպորտում առավոտյան և երեկոյան աշխատանքի գնալիս կամ աշխատանքից վերադառնալու ընթացքում», - բացատրել է Լեդենևան,- բայց միգրանտները Մոսկվա չեն գալիս գործարաններում աշխատելու համար»:
«Ըստ երևույթին, աշխատանքի պատճառով միգրանտները պարզապես ժամանակ չեն ունենում իրենց հարազատների հետ խոսելու համար, ուստի նրանք սկսում են շատ բարձր խոսել հեռախոսով հենց մետրոյով կամ ավտոբուսով ճանապարհորդելիս, ինչ որ մեկին ձեռքով են անում բջջայինի տեսախցիկով: Այդ ամենը նյարդայնացնող է Մոսկվայի նման մեծ քաղաքում: Առկա է մշակույթների բախում, նրանք պարզապես չեն հասկանում, որ մտնում են ուրիշի անձնական տարածք», - ասել է սոցիոլոգը:
Նրա խոսքով՝ ռուսաստանցիները հակակրանք ունեն նաև միգրանտների նկատմամբ այն իրավիճակների պատճառով, երբ նրանք փողոցներում «կպչում» են ռուս աղջիկներին:
«Բացի այդ, համաճարակից հետո Ռուսաստանի քաղաքացիները մնացել են առանց աշխատանքի, այնպես որ, երբ իշխանությունները հայտարարել են, որ միգրանտների պակաս ունեն, ոչ բոլորն են հասկացել, թե ինչո՞ւ են նրանք անհրաժեշտ, եթե Ռուսաստանում մի քանի միլիոն գործազուրկ կա», - ընդգծել է փորձագետը:
Բացի այդ, հատուկ դեր են խաղում ԶԼՄ -ները, որոնք, ըստ զրուցակցի, կենտրոնանում են միգրանտների մասնակցությամբ հանցավոր իրավիճակների վրա և դրանով իսկ «լարում» են բնակչությանը: «Լինում են նաև դրական օրինակներ կապված միգրանտների հետ, բայց դրանք առանձին դեպքեր են և չեն լուսաբանվում լրատվամիջոցներում»,- նշել է Լեդենևան:
Նյութը հրապարակման պատրաստեց Կամո Խաչիկյանը
