Հայաստանի իշխանությունները չեն օգտագործում իրենց հնարավորությունները
ՔԱՂԱՔԱԿԱՆՈՒԹՅՈՒՆ
Արցախի հարցի վերաբերյալ սպասվող բանակցությունների մասին զրուցել ենք քաղաքագետ Թևան Պողոսյանի հետ։
Հարցին, թե բանակցությունների ընթացքում ի՞նչ հնարավորություններ ունի Հայաստանը և արդյո՞ք հնարավոր է խաղաղություն թշնամու հետ քաղաքագետը պատասխանել է․ «Հայաստանն ունի հնարավորություն Արցախի հարցի վերաբերյալ սպասվող բանակցություններում շահեկան դիրքերից հանդես գալու, բայց Հայաստանի ներկայիս իշխանությունները չեն օգտագործի այդ հնարավորությունը: Խաղաղության դարաշրջան չի լինելու. միակողմանի խաղաղություն չկա: Եթե Հայաստանն ունակ լինի որևէ տեղ փախչել այս տարածաշրջանից՝ միգուցե, բայց ո՞ւր ենք փախչելու՝ դեպի Արևմո՞ւտք, թե՞ Արևելք: Արևմուտքում մի թշնամին է, Արևելքում՝ մյուսը, որտե՞ղ ենք փախչելու: Իսկ միակողմանի չի ստացվելու. որպեսզի խաղաղություն լինի՝ պետք է միակողմանի, եռակողմանի լինի: Երկկողմանի գաղափարի մեջ առնվազն ունենք մեկ թշնամի, որն ասում է՝ Երևանն էլ է իմը, Զանգեզուրն էլ, Սևանն էլ, եռակողմանի, քառակողմանի՝ տարբեր շահերի բախումներ են գալիս: Գուցե Ադրբեջանն էլ է ցանկանում խաղաղություն, բայց իր նկարագրած խաղաղությունը՝ երբ բոլոր հայերը գերեզմանում են, այդ ժամանակ իրենց համար խաղաղ է: Գերեզմանում էլ է խաղաղություն լինում, իսկ ինձ համար խաղաղությունը հաղթանակած խաղաղությունն է, այլ պարագայում պետք է փախչել: Ես Հայաստանում փախչելու ձևը գիտեի, դա էլ արդեն չգիտեմ: Այլ պարագայում խաղաղություն չի լինելու, դա մեծագույն մանիպուլյացիան է, որն այսօր անում ենք»։
Սոնա Գիշյան
