Բաքուն սրում է իրավիճակը տարածաշրջանում

Ադրբեջանը սրում է իրավիճակը տարածաշրջանում։ Ադրբեջանի արտգործնախարարությունն անդրադարձել է Մոսկվայում Հայաստանի ԱԳ նախարար Արարատ Միրզոյանի հայտարարություններին և նշել, թե Հայաստանի ԱԳ նախարար Արարատ Միրզոյանի ռևանշիստական հայտարարությունները վկայում են, որ Երևանը չի հրաժարվում Ադրբեջանի հանդեպ որդեգրած ագրեսիվ քաղաքականությունից։

«Ադրբեջանի միջազգայնորեն ճանաչված տարածքում ագրեսիվ անջատականություն գրգռելով՝ Հայաստանի արտգործնախարարը բացահայտորեն վկայում է, որ իր երկիրը չի հրաժարվել ագրեսիվ քաղաքականությունից, իսկ «խաղաղության և անվտանգության ռազմավարությունը», որի մասին խոսում է Միրզոյանը, պարզապես կեղծիք է», - նշել է Ադրբեջանի արտգործնախարարության մամուլի խոսնակ Լեյլա Աբդուլաևան։

Նշենք, որ  «Ռիա Նովոստիին» տված հարցազրույցում  Հայաստանի արտգործնախարարն ասել էր, որ եթե Ադրբեջանը կառուցողական դիրքորոշում որդեգրի և իր զորքերը դուրս բերի Հայաստանի ինքնիշխան տարածքից, բարենպաստ պայմաններ կստեղծվեն սահմանազատման և սահմանագծման գործընթաց սկսելու համար։ Խոսելով ռուս խաղաղապահների մասին՝ Միրզոյանն ասել էր․ «Մինչդեռ, հարկ է նշել, որ Ադրբեջանը ոչ միայն մինչ օրս չի ստորագրել խաղաղապահների մանդատը, այլև ուժեղ հակաքարոզչություն է իրականացնում Լեռնային Ղարաբաղում ռուս խաղաղապահ առաքելության դեմ: Ավելին՝ Ադրբեջանը մշտապես փորձում է կասկածի տակ դնել խաղաղապահ առաքելության նպատակահարմարությունն ու արդյունավետությունը»։

Միևնույն ժամանակ Միրզոյանն ասել էր, թե «Մինչդեռ, հարկ է նշել, որ Ադրբեջանը ոչ միայն մինչ օրս չի ստորագրել խաղաղապահների մանդատը, այլև ուժեղ հակաքարոզչություն է իրականացնում Լեռնային Ղարաբաղում ռուս խաղաղապահ առաքելության դեմ: Ավելին՝ Ադրբեջանը մշտապես փորձում է կասկածի տակ դնել խաղաղապահ առաքելության նպատակահարմարությունն ու արդյունավետությունը»։

Փաստացի, Ադրբեջանի նման նյարդային արձագանքը վկայում է, որ Բաքուն կրկին փորձում է սրել իրավիճակը Հարավային Կովկասում, նյարդայնանում ՌԴ դերը գնահատելու քայլերից, որ երբեմն իրականացնում է Հայաստանի իշխանությունը։ Դեռ վաղ է կանխատեսել, թե ինչ զարգացումներ կլինեն այս առումով, Ադրբեջանը պատերազմից 10 ամիս անց էլ ամրապնդում է իր ռազմական պոտենցյալը, նորանոր պահանջներ ներկայացնում հայկական կողմին։ Իսկ Նիկոլ Փաշինյանի իշխանությունը դեռ հայտարարություններից բացի ոչինչ չի արել, որևէ քայլ չի ձեռնարկել բանակի վերազինման և ամրապնդման ուղղոթյամբ։

Կարեն Հայրապետյան