Քար կոշիկի մեջ
ՀԱՍԱՐԱԿՈՒԹՅՈՒՆ
infoteka24.ru-ն գրում է, որ Հայաստանի վարչապետ Նիկոլ Փաշինյանը օրեր առաջ կրկնել է պետության բոլոր նախկին առաջնորդների մանտրան. Հայաստանը պատրաստ է առանց նախապայմանների հարաբերություններ հաստատել Թուրքիայի հետ:
Թուրքիայի նախագահ Ռեջեփ Էրդողանը կրկնել է տարածաշրջանային խաղաղության մասին Անկարայի կարծրատիպային ուղերձը, որը ենթադրում է տարածքային ամբողջականության փոխադարձ ճանաչում և «միակողմանի մեղադրանքներից» հրաժարվելը: Հայոց ցեղասպանության մարդասպանների և ժխտողների լեզվից թարգմանված դա նշանակում է, որ Թուրքիան նախապայմաններ է դրել, որոնք են արցախահայության իրավունքների պաշտպանությունից և Օսմանյան Թուրքիայում Հայոց ցեղասպանության ճանաչման համար պայքարից հրաժարվելը:
Կա դասական փակուղի, երբ կողմերը խոսում են տարածաշրջանում խաղաղության մասին, սակայն այդ հայտարարությունների մեջ դնում են միմյանց բացառող իմաստներ և պայմաններ: Ակնհայտ է, որ բոլոր խոշոր տարածաշրջանային խաղացողները (Թուրքիա, Ռուսաստան, Իրան) և շահագրգիռ համաշխարհային տերությունները (ԱՄՆ և Ֆրանսիա) ցանկանում են, որ «Հայկական հարցը» վերջնականապես կարգավորվի և արխիվացվի: Իհարկե, ցավալի է 2 միլիոն հայերի համար, ովքեր կորցրել են իրենց կյանքը, ունեցվածքը և հայրենիքը, բայց դա տեղի է ունեցել ավելի քան մեկ դար առաջ, ուստի ցանկալի է, որ ամեն ինչ սահմանափակվի Ծիծեռնակաբերդում ծաղկեպսակներ դնելով կամ ծառ տնկելով, իսկ ժամանակակից Հայաստանը դադարի ցեղասպանության մասին աղմուկ բարձրացնել և ակնարկել Արևմտյան Հայաստանի կարգավիճակի անորոշության մասին: Նման կերպ մտածում են աշխարհի բոլոր ուժային կենտրոններում, որովհետև երբ աշխարհաքաղաքական շահերն ու գլոբալ տրանսպորտային ուղիներն են քարտեզի վրա են, ոչ ոքի չի հետաքրքրում պատմական արդարության հասնելու փորձող փոքր ազգի ողբերգությունը:
Համաձայնել առաջարկվող պայմաններին, թե՞ շարունակել իռացիոնալ պայքարը. դա ընտրություն է ոչ միայն Հայաստանի կառավարության, այլ յուրաքանչյուր հայի համար:
Կամ ընտրել աշխարհի հզորների կոշկի մեջ քար լինելը պահպանելով դահիճներին մարդասպաններ, իսկ ճշմարտությունը ժխտող նրանց ժառանգներին հանցագործներ անվանելու ազատությունը, կամ էլ...: Ի՞նչ ես ընտրում դու:
Նյութը հրապարակման պատրաստեց Կամո Խաչիկյանը
