Ազգային ժողովն ընտրեց 12 մշտական հանձնաժողովների նախագահներին

Ազգային ժողովն ընտրեց 12 մշտական հանձնաժողովների նախագահներին։ ԱԺ Հաշվիչ հանձնաժողովի նախագահ Նարեկ Բաբայանը ներկայացրեց քվեարկության արդյունքները։

Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահի թեկնածու է առաջադրվել Սիսակ Գաբրիելյանը («Քաղաքացիական պայմանագիր» խմբակցություն): 107 պատգամավորներից քվեարկությանը մասնակցել են 102-ը, անվավեր է ճանաչվել 2-ը։ Սիսակ Գաբրիելյանի կողմ է քվեարկել 71 պատգամավոր, դեմ՝ 29։

Առողջապահության հարցերի մշտական հանձնաժողովի նախագահի թեկնածու է առաջադրվել Նարեկ Զեյնալյանը («Քաղաքացիական պայմանագիր» խմբակցություն): Քվեարկությանը մասնակցել է 102 պատգամավոր, ոչ մի քվեաթերթիկ անվավեր չի ճանաչվել։ Կողմ է քվեարկել 72, դեմ՝ 30 պատգամավոր։ 

Մարդու իրավունքների պաշտպանության  և հանրային հարցերի մշտական հանձնաժողովի նախագահի թեկնածու է առաջադրվել Թագուհի Թովմասյանը («Հայաստան» խմբակցություն): Քվեարկությանը մասնակցել է 102 պատգամավոր, ոչ մի քվեաթերթիկ անվավեր չի ճանաչվել, կողմ՝ 60, դեմ 42։

Տարածքային կառավարման, տեղական ինքնակառավարման, գյուղատնտեսության  և շրջակա միջավայրի պահպանության հարցերի մշտական հանձնաժողովի նախագահի թեկնածու է առաջադրվել Վահե Ղալումյանը («Քաղաքացիական պայմանագիր» խմբակցություն): Քվեարկությանը մասնակցել է 102 պատգամավոր, անվավեր է ճանաչվել 2 քվեաթերթիկ։ Ձայները բաշխվել են հետևյալ կերպ՝ կողմ 74, դեմ 26։

Տարածարջանային և եվրասիական ինտեգրման հարցերի մշտական հանձնաժողովի նախագահի թեկնածու է առաջադրվել Արմեն Գևորգյանը («Հայաստան» խմբակցություն): Քվեարկությանը մասնակցել է 102 պատգամավոր, ոչ մի քվեաթերթիկ անվավեր չի ճանաչվել։ Ձայները բաշխվել են հետևյալ կերպ՝ կողմ 62, դեմ՝ 40։

Ֆինանսավարկային և բյուջետային հարցերի մշտական հանձնաժողովի նախագահի թեկնածու է առաջադրվել Գևորգ Պապոյանը («Քաղաքացիական պայմանագիր» խմբակցություն): Քվեարկությանը մասնակցել է 102 պատգամավոր, անվավեր է ճանաչվել 2 քվեաթերթիկ։ Ձայները բաշխվել են հետևյալ կերպ՝ կողմ 70, դեմ՝ 30։

Տնտեսական հարցերի մշտական հանձնաժողովի նախագահի թեկնածու է առաջադրվել Վահե Հակոբյանը («Հայաստան» խմբակցություն): Քվեարկությանը մասնակցել է 102 պատգամավոր, ոչ մի քվեաթերթիկ անվավեր չի ճանաչվել։ Ձայները բաշխվել են հետևյալ կերպ՝ կողմ 59, դեմ՝ 43։

Պաշտպանության և անվտանգության հարցերի մշտական հանձնաժողովի նախագահի թեկնածու է առաջադրվել Անդրանիկ Քոչարյանը («Քաղաքացիական պայմանագիր» խմբակցություն): Քվեարկությանը մասնակցել է 102 պատգամավոր, անվավեր է ճանաչվել մեկ քվեաթերթիկ։  Ձայները բաշխվել են հետևյալ կերպ՝ կողմ 70, դեմ՝ 31։

Պետական, իրավական հարցերի մշտական հանձնաժողովի նախագահի թեկնածու է առաջադրվել Վլադիմիր Վարդանյանը («Քաղաքացիական պայմանագիր» խմբակցություն): Քվեարկությանը մասնակցել է 102 պատգամավոր, անվավեր է ճանաչվել մեկ քվեաթերթիկ։ Ձայները բաշխվել են հետևյալ կերպ՝ կողմ 71, դեմ՝ 30։

Արտաքին հարաբերությունների մշտական հանձնաժողովի նախագահի թեկնածու է առաջադրվել Էդուարդ Աղաջանյանը («Քաղաքացիական պայմանագիր» խմբակցություն): Քվեարկությանը մասնակցել է 102 պատգամավոր, ոչ մի քվեաթերթիկ անվավեր չի ճանաչվել։  Ձայները բաշխվել են հետևյալ կերպ՝ կողմ 72, դեմ՝ 30։

Աշխատանքի և սոցիալական հարցերի մշտական հանձնաժողովի նախագահի թեկնածու է առաջադրվել Հերիքնազ Տիգրանյանը («Քաղաքացիական պայմանագիր» խմբակցություն): Քվեարկությանը մասնակցել է 102 պատգամավոր, ոչ մի քվեաթերթիկ անվավեր չի ճանաչվել։ Ձայները բաշխվել են հետևյալ կերպ՝ կողմ 71, դեմ՝ 31։

Եվրոպական ինտեգրման հարցերի մշտական հանձնաժողովի նախագահի թեկնածու է առաջադրվել Արման Եղոյանը («Քաղաքացիական պայմանագիր» խմբակցություն): Քվեարկությանը մասնակցել է 102 պատգամավոր, ոչ մի քվեաթերթիկ անվավեր չի ճանաչվել։ Ձայները բաշխվել են հետևյալ կերպ՝ կողմ 71, դեմ՝ 31։