«Կապիտուլյանտ, հողատու»․ ինչի՞ց են դիվոտում իշխանականները

Շուրջ երկու շաբաթ Ազգային ժողովի անպտուղ քննարկումներին հետևող ՀՀ քաղաքացին կարող է «տարօրինակ» փաստ արձանագրել։ Ընդդիմության սուր, նույնիսկ վիրավորական արձանագրումներն այնքան հունից չեն հանում Ալեն Սիմոնյանին ու նրա խմբակիցներին, որքան «կապիտուլյանտ», «հողատու», «Նիկոլ» բառերը։ Այդ բառերը լսելուն պես նախագահողն անջատում է խոսափողը, իսկ քպ-ական պատգամավորները տեղից սկսում են բղավել և վիրավորել։ Նման պահվածքի պատճառը հասկանալու համար պետք է ընդամենը հիշել քարոզարշավի օրերին Սյունիքում տեղի ունեցած միջադեպը։ Վարչապետի պաշտոնակատարը անվրդով «վայելում» էր «սյունյաց ողջույնները», և միայն «կապիտուլյանտ» բնորոշմանը պատասխանեց՝ «կապիտուլյանտը դու ես»։ Անշուշտ, այժմ էլ «Քաղաքացիական պայմանագրի» պարագլուխը իր կողմնակիցներին հրահանգել է բոլոր միջոցներով կասեցնել այդ բառերի կիրառումը խորհրդարանում։ Եվ նրա վարժեցրած պատգամավորները դիվոտում են բացառապես ճշմարտությունից։

Ողջ քարոզարշավը «Նիկոլ» մեծ գրառմամբ տարած քաղաքական ուժը վրդովում է նաև իրենց առաջնորդին անունով դիմելու համար, մինչդեռ հենց իրենք էին քարոզարշավն անում վարչապետի անունով։ Ըստ էության, իշխաությունը հրաշալի հասկանում է, որ սուր քննադատությունը ևս քաղաքական պայքարի մաս է։ ՀՀԿ փոխնախագահ Արմեն Աշոտյանն է նախօրեին արձանագրել, որ «դավադիր իշխանությունների գերնպատակն է բերել ԱԺ-ն իրենց պատկերացրած «կոնստրուկտիվ» դաշտ, որտեղ չի խոսվի խայտառակ պարտության, զոհերի, կորուստների և իրենց գործած հանցավոր սխալների և դիտավորյալ արարքների մասին»։ Իսկ «կապիտուլյանտ» և «հողատու» բնորոշումները լիովին արտահայտում են այս դավադիր իշխանությունների էությունը։ Ուստի ընդդիմությունը գտել է Փաշինյանի կողմնակիցների թույլ տեղը, և կարող է ճշմարտությունն ասելով անընդհատ գազազեցնել նրանց, ինչպես ցլերն են գազազում կարմիր կտորից։

Տարոն Նիկողոսյան