Ո՞ր սպորտաձևը կօգնի վերականգնվել COVID-19-ից հետո
ՀԱՍԱՐԱԿՈՒԹՅՈՒՆ
Կորոնավիրուսային վարակը բացասաբար է անդրադառնում ամբողջ օրգանիզմի վրա, այդ թվում՝ սրտանոթային համակարգի, ուստի մասնագետները խորհուրդ են տալիս տարած հիվանդությունից հետո առնվազն վեց ամիս խուսափել ծանր ֆիզիկական ակտիվությունից: Սակայն, ինչպես նշում է AiF.ru-ն, կա սպորտաձեւ, որը ոչ միայն ընդունելի է վերականգնողական շրջանում, այլեւ կարող է օգտակար լինել:
Այդպիսի սպորտաձեւ է սկանդինավյան քայլքը, որը դահուկների ձողերով քայլել է ենթադրում: Շատ գիտնականների կարծիքով՝ քայլելու այս ձեւը կարող է հիանալի այլընտրանք լինել ինտենսիվ ֆիզիկական պատրաստվածությանը, ինչը մեծ ծանրաբեռնվածություն է առաջացնում մարդու սրտի վրա:
Մասնագետների կարծիքով՝ սկանդինավյան քայլքը փափուկ կերպով ամրացնում է մարդու շնչառական եւ սրտանոթային համակարգը, բացի այդ, այս մարզաձեւն օգնում է ամրապնդել իմունային համակարգը: Թարմ օդը, որը նախապայմանն է այդպիսի մարզանքի համար, իր հերթին նաեւ բարերար ազդեցություն է թողնում քնի եւ մարդու ընդհանուր տրամադրության վրա:
