Կենսաբանը նշել է կորոնավիրուսի տարածման հիմնական ուղին
ՀԱՍԱՐԱԿՈՒԹՅՈՒՆ
Rambler.ru-ն գրում է, որ Կորոնավիրուսի փոխանցման հիմնական ուղին ընտանիքն է, քանի որ ընտանիքում մարդիկ երկար ժամանակ են շփվում միմյանց հետ: Այս մասին «Կոմսոմոլսկայա պրավդա» -ի եթերում ասել է կենսաբանական գիտությունների դոկտոր, Ջորջ Մեյսոնի համալսարանի (ԱՄՆ) համակարգերի կենսաբանության դպրոցի պրոֆեսոր Անչա Բարանովան:
Կենսաբանը նշել է, որ պատվաստումը պաշտպանում է հիվանդության ծանր ընթացքից, բայց չի կարող ամբողջությամբ ընդհատել վիրուսի տարածման շղթան: «Պատվաստված մարդիկ վիրուս են կրում, թեկուզ ավելի փոքր չափով: Նրանցից շատերը կոկորդի ռնգային հատվածում չունեն բավարար քանակությամբ վիրուսներ կողքիններին վարակելու համար: Չնայած դա կախված է շփման տեւողությունից: Եթե դուք պարզապես մի քանի րոպե խոսեք ձեր հարևանի հետ փողոցում, նա ձեզ չի վարակի», - բացատրել է նա: Անչա Բարանովան ընտանիքն է անվանել վիրուսի փոխանցման հիմնական ուղին: «Մարդիկ երկար ժամանակ շփվում են միմյանց հետ, նրանք նույն սենյակում են գտնվում և , իհարկե, ընտանիքում դիմակ չեն կրում: Այդ պատճառով էլ տեսանելի է դելտայի տարբերակի տարածման աճ, այդ թվում նաև այն երկրներում, որտեղ պատվաստումներով ընդգրկվածությունը, ինչպես Մեծ Բրիտանիայում, բավականին բարձր մակարդակի վրա է», - ասել է նա:
Ավելի վաղ Մոսկվայի քաղաքապետ Սերգեյ Սոբյանինը հայտարարել էր, որ կորոնավիրուսով վարակված մայրաքաղաքի բնակիչների գրեթե 90% -ը ունեցել է «դելտա» հնդկական շտամով վարակ, որը տարածվում է շատ ավելի ագրեսիվ ու արագ: Քաղաքապետը նշել է, որ նոր շտամին դիմակայելու համար մարդու մեջ հակամարմինների մակարդակը պետք է լինի երկու անգամ ավելի բարձր, քան պահանջվում էր «Ուհանի» տարբերակի դեմ պայքարելու համար:
Նյութը հրապարակման պատրաստեց Կամո Խաչիկյանը
