Գիտնականները բացահայտել են կորոնավիրուսի նոր շտամների հայտնվելը
ՀԱՍԱՐԱԿՈՒԹՅՈՒՆ
Ավստրիայի տեխնոլոգիաների եւ գիտության ինստիտուտից ծագումնաբանների խումբը բացահայտել է կորոնավիրուսի նոր շտամների հայտնվելը:
Նրանց նոր հետազոտությունը հրապարակվել է Scientific Reports ամսագրում:
Գիտնականները մոդելավորել են սցենարներ, որոնց ժամանակ հայտնվում են կորոնավիրուսի նոր տարբերակները կամ անհետանում են: Նրանց աշխատանքից պարզվել է, որ նոր շտամների ի հայտ գալու վրա ազդում է երկու գործոն՝ պատվաստված եւ վարակված մարդկանց թիվը:
«Կորոնավիրուսի փոխանցումը հիշեցնող պարամետրերը օգտագործելով՝ մենք մոդելավորել ենք պանդեմիայի ալիքաձեւ պատկերն ու դիտարկել ենք պատվաստման արագությունն ու ոչ դեղորայքային միջոցների արդյունավետությունը ռեզիստենտային շտամի ի հայտ գալու հավանականության նկատմամբ: Ինչպես եւ ակնկալվում էր, մենք հայտնաբերել ենք, որ պատվաստման բարձր արագությունը նվազեցնում է ռեզիստենտային շտամի ի հայտ գալու հավանականությունը»,-ասվում է հետազոտության մեջ:
Սակայն կորոնավիրուսի նոր տարբերակների ի հայտ գալու վրա ազդում է նաեւ սահմանափակումների պահպանումը: Մասնագետների խոսքով՝ պատվաստման տարբեր տեմպերի պատճառով նախկինի պես գոյություն ունի վարակման մեծ ռիսկ:
Գիտնականները եզրակացրել են, որ առանց կորոնավիրուսի դեմ պայքարի համակարգված գլոբալ գործողությունների՝ աշխարհում դեռ մնում են կորոնավիրուսի կայուն տարբերակներ:
