Մենք կոնվենցիոնալ պատերազմում չենք կարող թուրքին հաղթել, բայց պատերազմի այլ ֆորմատներ կան. Արծրուն Հովհաննիսյան
ՔԱՂԱՔԱԿԱՆՈՒԹՅՈՒՆԻհարկե, ես հավատում էի, որ մենք հաղթելու ենք: Մենք կոնվենցիոնալ պատերազմում չենք կարող թուրքին հաղթել, բայց պատերազմի այլ ֆորմատներ կան: Ես հավատում էի և ունեի տեղեկություն, որ մենք ֆորմատ ենք փոխելու պատերազմի՝ պարտիզանական կլինի, անտառային կլինի, բայց մենք մինչև գարուն կռվելու ենք: Այս մասին «Իմպուլս վերլուծական»-ի եթերում ասել է ՀՀ ՊՆ մամուլի նախկին խոսնակ, պահեստազորի գնդապետ Արծրուն Հովհաննիսյանը:
«Տեղեկատվական քարոզչությունն ուրիշ ձև չի լինում: Տեղեկատվական քաղաքականության մեջ եղել են շատ լուրջ թերություններ, որոնց մասին ես ասել ու խոսել եմ 2016 թվականից սկսած: Սխալներ եղել են, չմտածեք, թե ես այնքան հիմար եմ, որ չեմ հասկանում, որ պարտությունը սխալների հետևանք է: Բայց պարտությունը պետք չէ բարդել 1-2 անձի վրա»,- ասել է Հովհաննիսյանը:
