Դա անհավանական է. 75-ամյա Շերը զբոսնել է քիփ տաբատով ցուցադրելով մարմնի հրաշալի կառուցվածքը
ՀԱՍԱՐԱԿՈՒԹՅՈՒՆ
kp.ru-ն գրում է, որ դեռ մի քանի տասնամյակ առաջ կատակում էին, որ Շերը գտել է հավերժական երիտասարդության բաղադրատոմսը: Եվ կարծես թե դա իրականություն է: 75 տարեկան հասակում երգչուհին շատ ավելի երիտասարդ է երևում: Օրերս նա շրջել է Պորտոֆինոյի տարածքում անհավանական հանդերձանքով, որը գնահատվել է տեղի բոլոր նորաձևության գնահատողների կողմից: Շերը քայլել է իտալական հանգստավայրի փողոցներում քիփ տաբատով, որը ընդգծել է նրա երկար ոտքերը և բարակ իրանը: Պատկերը լրացվել է ֆուքսինի գույնի կարճ կորսետը:
Շերը բարձր է պահում նշաձողը ոչ միայն զգեստապահարանի ընտրության հարցում. նա շարունակում է հետևել նորաձևության միտումներին: Երգչուհին վերջերս TikTok- ի և սոցցանցերի համար տեսանյութեր է ստեղծում: Շերը վաղուց է հայտարարել իր թոշակի անցնելու մասին և վայելում է հանգիստը: Բայց այն հազվագյուտ պահերին, երբ նա, այնուամենայնիվ, դուրս է գալիս կամ ելույթ ունենում, երգչուհու երկրպագուները մեկ անգամ ևս համոզվում են. կամ նա պարբերաբար խմում է երիտասարդության էլիքսիրը, կամ գեներն ու պլաստիկան են կատարում իրենց օգտակար աշխատանքը:
Պլաստիկ վիրահատությունների քանակով Շերը առաջատարն է հոլիվուդյան աստղերի շրջանում: Նա իր հաշվին ունի առնվազն մեկ տասնյակ վիրահատական միջամտություններ, որոնք մեծապես փոխակերպել են երգչուհուն: Ռինոպլաստիկան Շերի քիթը վերածել է իսկական արվեստի գործի, շրթունքների շտկումը, դեմքի ձևափոխումը և բլեֆարոպլաստիկան օգնել են ազատվել կնճիռներից և կախված մաշկից, լիպոսակցիան անցյալում է թողել ճարպային կուտակումները, իսկ հետույքի շտկումը երգչուհու կազմվածքը դարձրել է շատ ավելի ախորժելի: Փոփ աստղը նույնիսկ հեռացնել է մի քանի կողեր, և ամեն ինչ այնպես է արվել, որ գոտկատեղը բարակ լինի:
Երգչուհին միշտ էլ հայտարարել է, որ երիտասարդ կատարողների մրցակցությունն է նրան ստիպում ամեն ինչ անել ավելի երիտասարդ տեսք ունենալու համար: «Բոլորն ասում են, որ վախենում են ծերանալուց, - ասում է երգչուհին,- բայց ճշմարտությունն այն է, որ եթե դու վատ տեսք ունես, շոու բիզնեսում չես կարող գոյատևել: Իսկ ինձ համար ավելորդ դառնալը ամենավատն է»:
Շերի իսկական անունը Շերիլին Սարգսյան է, նրա հայրը ՝ Ջոն (Կարապետ) Սարգսյանը, ծագումով հայ է, աշխատել է որպես բեռնատարի վարորդ: Երիտասարդ Շերիլինը շոու բիզնես է մտել իր մոր՝ դերասանուհի Ջորջիա Հոլթի շնորհիվ: Շերը լայնորեն հայտնի է դարձել 1965 թվականին ամուսնու՝ Սոնի Բոնոյի հետ զուգերգով «I Got You Babe» երգը կատարելուց հետո:
Չնայած ծաղկուն տեսքին՝ երգչուհին տառապում է տարիքային հիվանդություններով: Մի քանի տարի առաջ նա կյանքի ու մահվան շեմին էր: Իրավիճակն այնքան լուրջ էր, որ Շերը անգամ կտակ էր գրել, ըստ որի աստղի բազմամիլիոնանոց կարողությունը բաժին էր ընկնում նրա չափահաս երեխաներին, քրոջը և այլ մտերիմ մարդկանց:
Նյութը հրապարակման պատրաստեց Կամո Խաչիկյանը
