Հայկական թանգարանի աշխատակիցները պատմել են միջնադարյան Հայաստանի բժշկության մասին
ՔԱՂԱՔԱԿԱՆՈՒԹՅՈՒՆ
meschanskayasloboda.moscow-ը գրում է, որ Մոսկվայի հայկական թանգարանի և Ազգերի մշակույթի մասնագետները տեղեկատվություն են տարածել միջնադարում Հայաստանի բժշկական պրակտիկայի մասին:
Ըստ մշակութային հաստատության կայքի հետազոտողները տեղեկատվություն ստանալու համար դիմել են Մեսրոպ Մաշտոցի անվան Մատենադարան հին ձեռագրերի ինստիտուտ, որտեղ պահվում են հայ ականավոր գիտնականների, բժիշկների, միջնադարի բնագետների յուրօրինակ ձեռագիր աշխատանքները: Այն ժամանակվա բժիշկները պատրաստում էին «արքայական» բալասաններ, բուսական թեյեր և նույնիսկ օծանելիք:
Միջնադարի հայ բժիշկների հիմնարար աշխատանքները պատկանում են բժիշկներ Մխիթար Հերացուն և Ամիրդովլաթ Ամասիացուն: Նրանց բուժարանները վիթխարի ներդրում են ունեցել հայ դասական բժշկության զարգացման գործում: Մխիթար Հերացու օրոք Հայաստանում հայտնվել են առաջին հիվանդանոցներն ու կլինիկաները, հակաբակտերիալ դեղամիջոցները և կենսաբանական ակտիվ հավելումները հիմնված բուսական բաղադրիչների վրա:
Հայ բժիշկները ջանում էին սովորել մարդու անատոմիան նկարագրելով առանձին օրգանների կառուցվածքը և նման կերպ նպաստել են ժամանակակից բժշկության զարգացմանը: Նրանք նաև առաջ են քաշել համարձակ վարկածներ վարակների ծագման վերաբերյալ: Այդ ժամանակաշրջանի բժշկությունը սերտորեն առնչվել է կրոնական էթիկայի և քրիստոնեական արժեքների հետ, որոնք են ողորմածությունը, կարեկցանքը, սերը մերձավորի հանդեպ:
Նյութը հրապարակման պատրաստեց Կամո Խաչիկյանը
