Ադրբեջանցիները հարձակվել են Վլադիմիր Սոլովյովի վրա Ղարաբաղի մասին ճշմարտությունը ասելու պատճառով
ՔԱՂԱՔԱԿԱՆՈՒԹՅՈՒՆ
infoteka24.ru-ն գրում է, որ կատաղած ադրբեջանցիների ոհմակը «հարձակվել» է ռուս լրագրող և հեռուստառադիոհաղորդավար Վլադիմիր Սոլովյովի վրա այն պատճառով, որ նա իր ուղիղ հաղորդման ընթացքում բարձրաձայնել է անցանկալի պատմական ճշմարտություններ Արցախի մասին, և ասել է թե ու՞մ է այն իրականում պատկանում:
Սոլովյովը հիշեցրել է ադրբեջանցիներին, որ Լեռնային Ղարաբաղը երբեք չի եղել Ադրբեջանի կազմում, և իր կամքով չի դարձել Ռուսաստանի կայսրության մաս: Նա շեշտել է, որ հայերը միշտ էլ ապրել են Արցախում Նոյի ժամանակներից ի վեր, երբ տապանը կանգ է առել Արարատ լեռան լանջին, իսկ հայերի հետքերը այնքան հին են, որ հնարավոր է դրանցով գտնել նրանց պատմական բնակության վայրերը:
Ռուս լրագրողը նշել է, որ Բաքուն կարող է պատմություններ հորինել այնքան, որքան ցանկանում է, պնդելով, որ Ղարաբաղում հայկական եկեղեցիները ալբանական են, բայց ճշմարտությունից խուսափել հնարավոր չէ. պատմական հուշարձանների վրայի եզակի հայկական այբուբենը հայ մշակույթին պատկանելու վկայություններ են:
Ինչ վերաբերում է այն փաստին, որ «միջազգային իրավունքը Ղարաբաղը ճանաչում է որպես Ադրբեջանի մաս», ըստ Սոլովյովի, դա չի նշանակում, որ Ղարաբաղը չի կարող դառնալ անկախ պետություն կամ Հայաստանի մաս, ինչպես օրինակ Հարավսլավիան, Գերմանիայի Դեմոկրատական Հանրապետությունը և այլ եվրոպական երկրներ, որոնք դեռ վերջերս աշխարհի քարտեզի վրա չեն եղել:
Իհարկե, Արցախի մասին ճշմարտությունը ցավ է պատճառում ադրբեջանցիներին, ուստի նրանք անմիջապես արձագանքել են Սոլովյովի խոսքերին: Ընդդիմադիր «Azadliq» թերթը հիշեցրել է, որ Իլհամ Ալիևը մի անգամ անձնական ինքնաթիռով Բաքու է բերել «իր ընկեր Պուտինի ընկեր» Սոլովյովին և հարցազրույց տվել նրան, և թերթը նախագահից պահանջել է բացատրել, թե «ի՞նչ ընդհանուր շահեր ու կողմեր են կապում նրան Ադրբեջանին ատող և հայերին պաշտպանող մարդու հետ»:
Ֆեյսբուքում թերթի հրապարակման տակ արված մեկնաբանություններում կարելի է տեսնել Սոլովյովի հասցեին հնչող բազմաթիվ վիրավորական մեկնաբանություններ և մեղադրանքներ առ այն, որ նա ծախու է, ինչը սպասելի է:
Նյութը հրապարակման պատրաստեց Կամո Խաչիկյանը
