Հայտնի է` երբ Ադրբեջանը ԼՂ-ում օդանավակայան կբացի
ՀԱՍԱՐԱԿՈՒԹՅՈՒՆ
Ադրբեջանը Լեռնային Ղարաբաղի` իր վերահսկողության տակ անցած տարածքներում կառուցում է «խելացի քաղաքներ» և «խելացի գյուղեր», որոնցից մեկը գտնվում է Կովսականում (Զանգելան), գրում է minval.az-ը:
Երկրի փոխարտգործնախարար Էլնուր Մամեդովը հայտնել է, որ արդեն հաջորդ տարվա հունվարին Կովսականի «խելացի գյուղում» կհայտնվեն առաջին բնակիչները:
«Այս տարածքներում մենք նաև միջազգային օդանավակայաններ ենք կառուցում: Ինչպես գիտեք, Ֆիզուլիի (Վարանդա) օդանավակայանի շինարարությունը շարունակվում է: Ակնկալվում է, որ օդանավակայանը կբացվի այս տարվա սեպտեմբերի 5-ին»,-ասել է պաշտոնյան:
Հիշեցնենք, որ նոյեմբերի 9-ին Ռուսաստանի, Հայաստանի և Ադրբեջանի ղեկավարները Լեռնային Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել, ստորագրվել է հայտարարություն, որով Ադրբեջանին են անցնում Արցախի յոթ շրջանները, Շուշին ու Հադրութը` բացառությամբ մի գյուղի, գյուղեր Ասկերանի ու Մարտունու շրջանից, ինչպես նաև Մարտակերտի շրջանի Թալիշ և Մատաղիս գյուղերը։
