Փորձագետը խոսել է այն մասին, թե ինչպես պետք է Ռուսաստանը չեզոքացնի Թուրքիայի և Ադրբեջանի դաշինքից եկող վտանգը
ՔԱՂԱՔԱԿԱՆՈՒԹՅՈՒՆ
ukraina.ru-ն գրում է, որ Թուրքիայի և Ադրբեջանի դաշինքը պետք է լուրջ ընդունել, քանի որ դա կհանգեցնի Անդրկովկասում Թուրքիայի հզորացմանը և Կենտրոնական Ասիա մուտք գործելուն: Այս մասին Ukraina.ru-ին տված հարցազրույցում ասել է Ռազմավարական հաղորդակցության կենտրոնի (Ռուսաստան) նախագահ Դմիտրի Աբզալովը:
Ավելի վաղ, Թուրքիայի և Ադրբեջանի նախագահները ստորագրել էին դաշնային հարաբերությունների մասին Շուշիի հռչակագիրը, որը ներառում է ռազմական փոխօգնության մասին համաձայնագիր և նախատեսում է Զանգեզուրով դեպի Նախիջևան տրանսպորտային միջանցքի ստեղծում: Բացի այդ, թուրքական «Անադոլու» պետական գործակալությունը կրկին սկսել է խոսել Անկարայի և Բաքվի հարաբերությունների մասին համահունչ «մեկ ազգ երկու պետություն» հասկացությանը:
Պարադոքսալ կերպով, Ռուսաստանը շատ քիչ բան է շահել Ղարաբաղի այս իրավիճակից, քանի որ մի կողմից Վաշինգտոնի և Ֆրանսիայի դիրքերն են ամրապնդվել Հայաստանում, իսկ մյուս կողմից Թուրքիայի դերն է ուժեղացել Ադրբեջանում, նշել է փորձագետը:
«Մենք առանց կողմերից որևէ մեկի ընտրելու բացասական ստացանք և՛ այնտեղ, և՛ այնտեղ, և ինչ-որ պահի հայտնվեցինք մեղավորի դիրքում: Ադրբեջանը մեզ մեղավոր է համարում, քանի որ մենք թույլ չտվեցինք տոնել լիարժեք հաղթանակ, Հայաստանը նախատում է մեզ, որ ժամանակին չենք միջամտել: Այո, մենք երկուստեք փրկեցինք կյանքեր, բայց մինչ այժմ մենք այդ հաջողությունը մեր օգտին չենք դարձրել», - հայտարարել է Աբզալովը:
Քաղաքագետը հավելել է, որ կես տարի անց, երբ ժամանակը գա կատարելու Ղարաբաղի վերաբերյալ բոլոր պայմանավորվածությունները, իրավիճակը կփոխվի, և Ռուսաստանը ճիշտ հարաբերություններ կստեղծի ինչպես Հայաստանի, այնպես էլ Ադրբեջանի հետ, ինչպես նաև կպահպանի հակամարտությունը լուծելու իր ռազմական բաղադրիչի մենաշնորհը:
Նյութը հրապարակման պատրաստեց Կամո Խաչիկյանը
