Քայլ դեպի տուն. Հայաստանում սփյուռքի երեխաները արձակուրդները կանցկացնեն պատմական հայրենիքում
ՀԱՍԱՐԱԿՈՒԹՅՈՒՆ
mir24.tv-ն գրում է, որ Հայաստանում մեկնարկել է մի ծրագիր, որի օգնությամբ սփյուռքի պատանիները կկարողանան երկու շաբաթ անցկացնել իրենց պատմական հայրենիքում, դասընթացներ անցկացնել իրենց մայրենի լեզվով, սովորել ազգային երգեր և պարեր:
Խաղերի օգնությամբ երեխաները երկու շաբաթ ուսումնասիրում են իրենց հայրենի երկրի պատմությունը: Թատերական տեսարանները նույնպես օգնում են հիշել կարևոր իրադարձությունները: Այս տարի թեման է «Քրիստոնեության ընդունումը Հայաստանում»: Հայերենը ևս ծրագրում է: Սփյուռքում հայերեն են խոսում, բայց այբուբենը քչերը գիտեն: Ուստի դասընթացների կազմակերպիչները կենտրոնանում են քերականության վրա. օրական չորս տառ են սովորեցնում: Ռիմա Արշակյանը եկել է Ուկրաինայից, աղջիկն արդեն վանկերով կարդում ու գրում է:
«Ես խոսում և հասկանում եմ հայերեն, բայց վատ: Ես գիտեմ երեք լեզու` անգլերեն, ուկրաիներեն և ռուսերեն, բայց, ինձ թվում է, հայերենը ամենադժվարն է, քանի որ կան տառեր, որոնք տարբեր են հնչում, բայց դրանք շատ նման են միմյանց: Դա շատ դժվար է»,- խոստովանել է աղջիկը:
«Քայլ դեպի տուն» ծրագիրը ներառում է նաև էքսկուրսիաներ դեպի երկրի տեսարժան վայրեր: Ահա Հայաստանի գլխավոր ազգագրական թանգարանը՝ «Սարդարապատ»-ը: Այն պարունակում է ավելի քան 70 հազար ցուցանմուշ` հին և միջնադարյան արվեստի առարկաներ: Սրահներից մեկում կան գորգեր, ազգային տարազներ և զարդեր:
«Իմ նախնիները Արևմտյան Հայաստանից են: Ցեղասպանությունից հետո նրանք ապաստանել են Վրաստանում, որտեղ ես ծնվել և մեծացել եմ: Միշտ ցանկացել եմ ավելին իմանալ իմ հայրենիքի մասին: Այսօր մեզ պատմեցին հին հայկական ավանդույթների մասին: Ուրախ եմ, որ իմ ընտանիքը, հեռու լինելով հայրենիքից, պահպանում է դրանք», - ասել է Վրաստանից մասնակից Նադիա Գուրգինյանը:
«Երեք տարի առաջ ես Հայաստանում էի, և այդ ժամանակվանից երազում էի կրկին այստեղ գալ: Այս անգամ ես ավելի լավ ճանաչեցի երկիրը, և այն ինձ համար ավելի սիրելի դարձավ», - խոստովանել է Դավիթ Վարդերեսյանը Ռուսաստանից:
Նախագիծը գործում է արդեն 12 տարի: Վաղ տարիներին երեխաները տեղավորվում էին հայ ընտանիքներում, որպեսզի ծանոթացնեն առօրյա կյանքին և ավանդույթներին: 2019 թվականից նրանք գիշերում են ճամբարներում: Ներկայումս ճամբարներում պահպանվում են բոլոր հակակովիդային միջոցառումները:
«Մենք կրճատել ենք մասնակիցների թիվը, այսինքն՝ յուրաքանչյուր հոսքում հարյուր հրավիրյալից ավելին չի լինում: Բացի այդ, երեխաները պետք է ներկայացնեն բացասական PCR թեստեր: Բժիշկները շուրջօրյա են աշխատում ճամբարներում», - ասել է Հայաստանի սփյուռքի հարցերի գլխավոր կոմիսարի գրասենյակի «Քայլ դեպի տուն» ծրագրի ղեկավար Հայկ Ենգիբարյանը:
Այս ամառ Հայաստան կայցելեն 28 երկրների շուրջ 400 պատանիներ: Մասնակիցների տարիքը 13-ից 18 տարեկան է: Թռիչքը վճարում են ծնողները, մնացած ծախսերը հոգում է պետությունը: Կազմակերպիչները նշում են, որ նման ուղևորությունները ոգեշնչում են շատերին տեղափոխվել Հայաստան և ընդունվել տեղի բուհեր: Սփյուռքի տղաներն ու աղջիկները կկարողանան Հայաստան գալ մինչև օգոստոսի կեսերը: Դա անելու համար նրանք պետք է լրացնեն առցանց դիմում և ստանան սփյուռքի նախարարության համաձայնությունը:
Նյութը հրապարակման պատրաստեց Կամո Խաչիկյանը
