ԱՄՆ-ում պատրաստվում են Չինաստանից փոխհատուցում պահանջել COVID-19-ի հետևանքների համար
ՀԱՍԱՐԱԿՈՒԹՅՈՒՆ
Gazeta.ru-ն գրում է, որ Ամերիկյան կոնգրես է ներկայացվել մի օրինագիծ, ըստ որի` նախատեսվում է նախաձեռնել բանակցություններ ԱՄՆ-ի և Չինաստանի միջև COVID-19-ի տարածման հետ կապված փոխհատուցման վերաբերյալ: Հաղորդվում է, որ օրինագիծը Կոնգրես է ներկայացվել հունիսի 14-ին ՝ հանրապետականների խմբի կողմից: Նախաձեռնությունը հանրապետական կոնգրեսական Էն Վագներինն է (Միսսուրի նահանգ):
«Նախաձեռնության նպատակը բանակցություններն են ԱՄՆ-ի և Չինաստանի միջև փոխհատուցման մասին երկկողմ համաձայնագրի շուրջ կապված COVID-19 վիրուսի տարածման պատճառած վնասների վերաբերյալ, ինչպես նաև այլ նպատակների համար», - ասվում է փաստաթղթում:
Ավելի վաղ, ԱՄՆ-ի նախկին նախագահ Դոնալդ Թրամփը Չինաստանից պահանջել էր առնվազն 10 տրիլիոն դոլար «փոխհատուցում» վճարել կորոնավիրուսի համաճարակի համար: ԱՄՆ-ի նախկին ղեկավարի խոսքով՝ Չինաստանում արտադրվող բոլոր ապրանքների վրա պետք է հնարավորինս շուտ սահմանվեն 100%-ոց տուրքեր: Ավելի ուշ՝ մայիսի 27-ին ԱՄՆ-ի նախագահ Ջո Բայդենը ԱՄՆ-ի հետախուզությանը կոչ է արել ավելի շատ ուշադրություն դարձնել կորոնավիրուսի ծագման տեսությանը և արդյունքների մասին հայտնել 90 օրվա ընթացքում: Նա նշել է, որ ԱՄՆ-ը կշարունակի համագործակցել նաև համախոհ գործընկերների հետ, որպեսզի «Չինաստանին ստիպեն մասնակցել լիարժեք, թափանցիկ և ապացույցների վրա հիմնված հետաքննության կապված COVID-19 վիրուսի ծագման հետ»:
Բայց ավելի ուշ, ԱՄՆ Առողջապահության ազգային ինստիտուտի ղեկավար Ֆրենսիս Քոլինզը ասել է, որ ապացույցներ չկան, որ կորոնավիրուսը սկսել է տարածվել չինական լաբորատորիայի արտահոսքից հետո:
Նյութը հրապարակման պատրաստեց Կամո Խաչիկյանը
