Վիրուսոլոգը պատմել է COVID-19 համաճարակի ամառային սրացման ալիքի ժամկետների մասին
ՀԱՍԱՐԱԿՈՒԹՅՈՒՆ
Lenta.ru-ն գրում է, որ Հատուկ վտանգավոր վարակների բժշկության դաշնային հետազոտական կենտրոնի լաբորատորիայի ղեկավար Ալեքսանդր Չեպուրնովը բացատրել է Ռուսաստանում կորոնավիրուսի դեպքերի աճը և ենթադրել, թե երբ է ալիքը նվազելու: Ըստ վիրուսաբանի` այս տարի տեղի է ունեցել դեպքերի աճի տեղաշարժ. գարնանային աճը երկրում «տեղ է հասել» հունիսին. «Ակնկալվում էր, որ աճը ինչ որ տեղ կսկսվի ապրիլի վերջին: Միգուցե մենք պարզապես փոփոխություն ունեցանք. գարնանային վերելքը մեզ հասավ ամռանը, բայց ամեն ինչ քիչ թե շատ կարգավորվում է, կորոնավիրուսի դեպքերի քանակը կարող է նվազել ամսվա վերջին, քանի որ ամռանը կայուն տաք եղանակ է սպասվում»:
«Անցումը ամառային փուլին պետք է տեղի ունենա մեկ ամսից, ոչ ավելին, ամառն ամեն դեպքում իր վնասը կտա: Հուսով եմ, որ հունիսի վերջին դեպքերը կնվազեն, հաշվի առնելով այն, որ այս ամբողջ ժամանակ եղանակը բավականին կայուն է: Փորձը ցույց է տալիս, որ նման եղանակային պայմաններում վիրուսը բավականին հստակ սկսում է վատ կուլտիվացվել»,- ասել է վիրուսավանը:
Փորձագետը նաև նշել է, որ իրավիճակը բարելավելուն կօգնեն մարդկանց կամավոր պատվաստումներին խթանելուն ուղղված միջոցառումները. «Որոշ բաներ պետք է թույլատրվեն միայն պատվաստումների առկայության դեպքում, ճիշտ այնպես, ինչպես այժմ թույլատրվում է մեկնել արտերկիր՝ միայն թեստային նոր հետազոտությամբ»:
Նյութը հրապարակման պատրաստեց Կամո Խաչիկյանը
