Շուռնուխյան սինդրոմ․ ինչպե՞ս խաբել հանրությանը

Արտահերթ խորհրդարանական ընտրություններում քվեարկությունից անմիջապես հետո գործող իշխանությունները Նիկոլ Փաշինյանի գլխավորությամբ, հոգեբանական գրոհի անցան հակառակորդների դեմ։ Խոստովանենք՝ դա որոշակի ազդեցություն ունեցավ հատկապես սոցիալական ցանցերում։ Իշխանությունն իր առջև խնդիր էր դրել ապացուցել, որ հաղթել է ու առաջին հերթին հաղթել այն տեղամասերում, որտեղից ամենափոքր քվեներն էին սպասվում։ Այդ առումով ամենաուշագրավը Սյունիքի մարզի Շուռնուխ համայնքն էր։

Վարչապետի խորհրդական Արայիկ Հարությունյանն ու մյուս նիկոլականները տարփողում էին, թե «Քաղաքացիական պայմանագիրը» հաղթանակ է տարել Շուռնուխում, մի գյուղում, որի տարածքի զգալի մասը նույն Փաշինյանը նվիրել էր Ադրբեջանին, վտանգել շուռնուխցու կյանքը։ Առաջին շոկային արձագանքից հետո պարզվեց՝ Նիկոլ Փաշինյանը պարզապես մանիպուլացնում է հանրությանը, ստորաբար խաբում։

Շուռնուխի թիվ 34/17 ընտատեղամասում գրանցել էին նաև ԱԱԾ սահմանապահ զորքերի զինծառայողներին, նրանց հրահանգել քվեարկել իշխող «Քաղաքացիական պայմանագիր» կուսակցության օգտին, ապա հայտարարել, թե Շուռնուխում ընդդիմադիր «Հայաստան» դաշինքի օգտին քվեարկել է 40 ընտրող, Նիկոլ Փաշինյանի օգտին՝ 51 ընտրող։ ՀՀ Ոստիկանության կայքում տեղադրված ընտրողների ցուցակներում Շուռնուխի ընտրողների թիվը 123 է, իսկ ԿԸՀ կայքում նշված է, թե այդ տեղամասում ընտրողների թիվը 167 է, այսինքն 44-ով ավելի։ Շուռնուխում ընտրություններին մասնակցել է 115 ընտրող, որոնցից 24-ն ընտրել է այլ քաղաքական ուժերի։ Եթե հաշվի առնենք, որ զինծառայողների անուններով ցուցակները չեն հրապարակվում, կարելի է վստահաբար պնդել, թե ինչպես է իշխանությունը ստացել իր նախընտրելի արդյունքը։

Գարիկ Խաչատրյան