Դժվար թե Իսրայելի կառավարությունը փոխի Ադրբեջանի հետ համագործակցության ուղղվածությունը»
ՄԻՋԱԶԳԱՅԻՆ
stmegi.com-ը գրում է, որ ըստ իսրայելացի քաղաքագետ Միխաիլ Ֆինկելի «դժվար թե Իսրայելի կառավարությունը փոխի Ադրբեջանի հետ համագործակցության ուղղվածությունը»։ Նրա խոսքով Իսրայելի նոր կառավարությունը հյուսված է հակասություններից, կուսակցություններից, որոնք ատում են միմյանց և ունեն հակառակ քաղաքական պլատֆորմներ:
«Միակ բանը, որ միավորում է նրանց, նրանց ընդհանուր ատելությունն ու ցանկությունն է փոխել Բենիամին Նեթանյահուին: Սա այն է, ինչ նրանք արել են: Կառավարությունը լուծարվելու է հենց այն պահին, երբ Համասը սկսի ցանկացած ահաբեկչական գործողություն: Հենց այդ գործունեությունը սկսվի, կառավարությունը ստիպված լինի դրան պատասխանել, և արաբական կուսակցությունն անմիջապես դուրս կգա կոալիցիայից: Քանի որ նրանք միշտ ասում են. «Մենք չենք կարող լինել այն կոալիցիայի մեջ, որը պատերազմում է արաբների հետ»: Կառավարությունը կփլուզվի, կլինեն նոր ընտրություններ: Այս կառավարությունն ամբողջությամբ գտնվում է Համասի ձեռքում: Եթե Համասը կտրի թելը՝ կառավարությունը կլուծարվի: Այս կառավարության աշխատանքը կարճաժամկետ և օպորտունիստական է, այն երկար կյանք չունի», - ասել է Ֆինկելը:
Անդրադառնալով նոր վարչապետի օրոք ադրբեջանա-իսրայելական համագործակցության զարգացման հեռանկարներին՝ իսրայելցի փորձագետն ասել է, որ իսրայելական մեծ թվով ընկերություններ են ցանկանում մասնակցել Ղարաբաղում ֆինանսական կլիմայի բարելավմանը, ներդրումներ կատարել, բաց արտադրության և համատեղ ձեռնարկություններ ստեղծել։
«Դա մի ամբողջ դիվերսիֆիկացված տնտեսական հատված է: Դա տնտեսություն, ֆինանսներ և, իհարկե, գյուղատնտեսություն է, դեղագործական բիզնեսէ, քիմիական բիզնես է, դրանք նոր ՏՏ տեխնոլոգիաներ են, և բոլորը ցանկանում են միասին աշխատել և գումար վաստակել», - ասել է Ֆինկելը:
Ըստ Փորձագետի՝ Իսրայելում վարչապետը որոշ չափով իր ղեկավարած կոալիցիայի պատանդն. «Նա լիովին անկախ չէ: Նա պարտավոր է մանևրել և խաղաղեցնել իր դաշինքի բոլոր անդամներին, ովքեր ստորագրել են կոալիցիոն համաձայնագիրը: Ուստի հիմարություն է ցանկացած կտրուկ շարժում կատարելը կապված Ադրբեջանի հետ: Բացի այդ, բանակը, նրա վերլուծական վարչությունը, հետախուզական և այլ մասնագետները ռազմավարական հարաբերություններ և առաջարկներ են ներկայացնում վարչապետին նման հարցերում: Տնտեսական հատվածում նույն բանը անում են վերլուծաբան-տնտեսագետները: Եթե կշեռքի մի նժարին դնենք այդ հարաբերությունների շարունակականության նպատակահարմարությունը, իսկ մյուս նժարին հայկական լոբբիի այն մի քանի ձայները, որոնք պահանջում են ճանաչել այսպես կոչված «ցեղասպանություն»-ը և Հայաստանի հետ հարաբերությունները բարելավել, ապա, իհարկե, հասկանալի է, որ կգերազանցի հարաբերությունների այն նույն ուղղվածությունը, որը կար Բենիամին Նեթանյահուի օրոք: Չնայած պետք է շեշտել, որ Naftali Bennett կոալիցիայի ներկայիս անդամների մեջ կան երկու ձախակողմյան «Լեյբորիստական» և «Մերեց» կուսակցությունները, որոնք ցանկանում են, որ Իսրայելը ճանաչի հայկական «ցեղասպանությունը»: Բացի գաղափարախոսությունից, դեր է խաղում նաև Հայաստանի և հայկական սփյուռքի լոբբիստական գործունեությունը: Այնուամենայնիվ դժվար թե դա գերազանցի մյուս գործոններին, քանի որ կշեռքի նժարին դնելու ոչինչ չկա: Կարելի է կանխատեսել, որ շատ շուտով հակամարտության նոր փուլ կլինի Համասի հետ, արաբները դուրս կգան կոալիցիայից, կլինեն նոր ընտրություններ և Բենիամին Նեթանյահուն կվերադառնա», - ավարտել է Ֆինկելը:
Նյութը հրապարակման պատրաստեց Կամո Խաչիկյանը
