Մասնագետը նշել է՝ ինչ խնդիրներով կարող է պայմանավորված լինել զարկերակային ճնշումը
ՀԱՍԱՐԱԿՈՒԹՅՈՒՆ
Բոլորն էլ գիտեն, որ զարկերակային բարձր ճնշումը շատ վտանգավոր խնդիր է, սակայն ոչ բոլորն են հաշվի առնում, որ նույնքան վտանագավոր կարող է լինել նաև զարկերակային ճնշման անկումը։ Կա տարածված կարծիք, որ զարկերակային ցածր ճնշումը շատ ավելի քիչ վտանգավոր է, քան բարձր ճնշումը, ինչի հետևանքով էլ մարդիկ հաճախ անտեսում են այս խնդիրը, մինչդեռ մասնագետները նախազգուշացնում են, որ նման անուշադրությունը կարող է շատ վատ հետևանքներ ունենալ։
Գերմանացի բժիշկ Ռոբերտ Շվինգերի խոսքով՝ զարկերակային ցածր ճնշումն ինքնին չի համարվում վտանգավոր խնդիր, քանի որ շատ ավելի վտանգավոր են ճնշման անկման պատճառները։ Ինչպես նշում է մասնագետը, մեծ մասամբ զարկերակային ճնշման նվազման պատճառ է դառնում ալկոհոլի կամ նիկոտինի չարաշահումը, սակայն այնուամենայնիվ որոշ դեպքերում այս խնդիրը կարող է պայմանավորված լինել նաև շատ ավելի վտանագավոր պատճառներով, որոնք ոչ մի դեպքում չի կարելի անտեսել։
Օրինակ՝ զարկերակային ճնշման նվազման պատճառ կարող են դառնալ սրտանոթային հիվանդությունները կամ էնդոկրին համակարգի աշխատանքի խանգարումները, որոնք կարող են հանգեցնել նյութափոխանակության խանգարման։
«Երիտասարդ ու առողջ մարդկանց համար զարկերակային ցածր ճնշումն ամենայն հավանականությամբ հուշում է առողջական լավ վիճակի մասին, քանի որ գրեթե չի ծանրաբեռնում օրգանիզմը։ Բացի այդ, այս տարիքային խմբի դեպքում տարիքի հետ ճնշումը, որպես կանոն, ինքնուրույն կարգավորվում է», – հավելել է Շվինգերը։
