Աշխարհի ամենալավ զինված բանակները. դուք կզարմանաք, թե որ հորիզոնականում է գտնվում Հայաստանը
ԱՄԵՆԱԸՆԹԵՐՑՎԱԾ
Տարբեր երկրների բանակները համեմատելը բավականին դժվար է, որովհետև տարբեր են դրանց թվակազմը, մարտական հնարավորությունները և այլ չափորոշիչներ՝ ուղղակի ու ընդհանուր համեմատականներ անցկացնելու համար։
Այդ պատճառով առաջին հայացքից կարող է տարօրինակ թվալ, ասենք, հայկական ու ամերիկյան բանակների համեմատությունը, սակայն կարելի է համեմատություններ անցկացնել առանձին վերցված չափորոշիչներով։
Այս հոդվածում մենք կփորձենք համեմատել տարբեր բանակներ՝ ելնելով դրանց ստանդարտ մոտոհրաձգային ջոկի՝ (10-11 հոգի) սպառազինությամբ հագեցվածությունից ու կրակային խոցման գործակցից։
ԱՄՆ Ամերիկյան մոտոհրաձգային ջոկը սովորաբար 10 հոգի է հաշվվում։ Ջոկի ստանդարտ սպառազինության մեջ մտնում են՝ 1 7.62մմ գնդացիր, 2 40մմ նռնականետ, 2 5.56 գնդացիր, 3 մեկանգամյա օգտագործման նռնականետ և 6 ինքնաձիգ՝ Մ16-ի տարբեր արդիականացված տարբերակներ։
Գերմանիա
Գերմանական բանակի ցամաքային զորքերի ստանդարտ ջոկը ևս հաշվվում է 10 մարդ։ Նրանց տրամադրության տակ սովորաբար լինում է Հակատանկային կառավարվող հրթիռային 1 համակարգ, 1 ձեռքի նռնականետ, 1 40մմ նռնականետ, 1 7.62մմ գնդացիր, 6 ինքնաձիգ և 4 ատրճանակ։
Ավստրալիա
Ավստրալական բանակում, որն ի դեպ ամենահագեցածներից մեկն է աշխարհում, մոտոհրաձգային ջոկերը 12 հոգի են հաշվվում, որոնց հաստիքային սպառազինության ստանդարտ կոմպլեքսը բաղկացած է 1 նռնականետից, 2 գնդացիրից և 9 ինքնաձիգից։ Հարկ է նշել, որ ավելի մեծ ստորաբաժանումներում ընդգրկված չեն միանման մոտոհրաձգային ջոկեր, և, օրինակ, դասակում ստանդարտ մոտոհրաձգային ջոկից բացի՝ գործում են դիպուկահարների, նռնականետորդների ու հակատանկային համակարգերի և այլ հատուկ մասնագիտացմամբ առանձին ջոկատներ։
Ֆրանսիա
Թերևս ամենաուշագրավ ու ինքնատիպ կառուցվածք ունեցող փոքր ստորաբաժանումներից մեկը պատկանում է ֆրանսիական բանակին։ Այստեղ գործում են այսպես կոչված «մարտական թիմեր», որոնք բաղկացած են երկու՝ տարբեր ֆունկցիոնալ առանձնահատկություն ունեցող ստորաբաժանումներից։ «Մարտական թիմը», ընդունելով որպես մոտոհրաձգային ջոկի համարժեք, բաղկացած է երկու փոխլրացնող ու իրար աջակցող մասերից՝ 300 և 600 մետր հեռավորությունների վրա գտնվող խմբերից, որոնցում հաշվվում են 21-ական մարդ։ 300 մետր հեռավորության թիմի սպառազինությունը բաղկացած է 2 մեկանգամյա օգտագործման նռնականետերից և ինքնաձիգերից, իսկ 600 հեռավորության թիմի սպառազինությունը՝ 1 գնդացրից, անհատական ականանետից ու ինքնաձիգերից։
Ռուսաստան
Ռուսական զինված ուժերում անցկացված վերջին բարեփոխումներից հետո ստանդարտ մոտոհրաձգային վաշտը բաղկացած է 8 հոգուց, որոնք կրում են հետևյալ սպառազինությունը. 1 ձեռքի ՌՊԿ-74 գնդացիր (պահունակավոր գնդացիր), 1 նռնականետ և 6 ինքնաձիգ։
Հյուսիսային Կորեա
Թեև Հյուսիսային Կորեան ունի աշխարհի ամենամեծ բանակներից մեկը և համարվում է ամենամիլիտարիզացված պետություններից, դրա փոքր ստորաբաժանումների զինվածությունը բավականին թույլ է։ Կորեական բանակում ջոկերը սովորաբար 9 մարտիկ են հաշվվում, որոնց տրամադրության տակ լինում է 1 նռնականետ, 1 ժապավենային գնդացիր (ПК կամ նմանօրինակ այլ բան), 1 պահունակային գնդացիր (РПК և դրա անալոգներ) և 6 ինքնաձիգ, իսկ դիպուկահար հրացանների դեֆիցիտն այնքան սուր է, որ դրանք բաժին են հասնում 1 հատ յուրաքանչյուր 110-120 հոգուն։
Հայաստան
Հայակական բանակի փոքր ստորաբաժանումների սպառազինության քանակը տարեցտարի ավելացվում է, իսկ որակը՝ բարձրացվում։ Այսօրվա դրությամբ, հայկական բանակի ջոկերը հաշվվում են 8-10 զինվոր, ում հաստիքային սպառազինության մեջ ընդգրկված են 1 գնդացիր, 1 ձեռքի գնդացիր, 1 նռնականետ, 1 դիպուկահար հրացան և 4-6 ինքնաձիգ։ Առաջիկայում պլանավորվում է ԶՈւ բոլոր մոտոհրաձգային ջոկերին ապահովել առնվազն այս զինատեսակներով, ու այդ նպատակը մեծամասամբ կատարված է այս պահի դրությամբ։
Հայոց բանակը հիմնվել է 1992 թվականին և իր արմատներով մեծապես կապված է խորհրդային բանակի հետ, ուստի հետաքրքիր կլիներ համեմատական անցկացնել նաև Խորհրդային Բանակի ջոկերի հաստիքային սպառազինության հետ։ Եվ այսպես, խորհրդային բանակում մոտոհրաձգային ջոկը հաշվվում էր 8 հոգի, ովքեր զինված էին 1 ՌՊԿ-74-ով, 1 նռնականետով, 5 ինքնաձիգով և 3 ատրճանակով։
Ինչպես տեսնում եք, մեր բանակի մոտոհրաձգային ստորաբաժանումները բավականին լավ զինված են ու սպառազինության հագեցվածությամբ ու ջոկի կրակային խոցման գործակցի առումով գերազանցում են այնպիսի բանակների, ինչպիսին Ադրբեջանինն է, Ռուսաստանինը, Հյուսիսային Կորեայինն ու Խորհրդային Միությանը։ Եվ սա այն պարագայում, երբ մենք չունենք հարուստ բնական ռեսուրսներ և նավթադոլարների գետեր…
Աղբյուր՝ http://bestinfo.am/?p=3671
