Հայաստանը Ղարաբաղից հետո․ ոչինչ չհասկացան, ոչինչ չհիշեցին, ոչինչ չսովորեցին․․․
ՔԱՂԱՔԱԿԱՆՈՒԹՅՈՒՆ
km.ru-ն գրում է, որ Հայաստանի քաղաքացիների և հարյուր հազարավոր սփյուռքահայերի վարքի մոդելը պետք է դառնա զանգվածային հոգեբանության և մտավոր շեղումների խնդիրներով զբաղվող մասնագետների սերտ ուսումնասիրության առարկա: Այդ ամենը հիանալի կերպով արտացոլված է հայկական սոցիալական ցանցերում: Ղարաբաղյան պարտությունից հետո ազգային անվտանգությանը կորցրած և վերահաս սպառնալիքներին նվիրված անվերջ քննարկումները Հայաստանի «տարբեր ցանցերում «փրփրում են, եռում ու փչում»: Բայց հասարակության համար անվերջ ցավալի փորձի ֆոնին չկա ոչ մի կառուցողական առաջարկ: Պատերազմում պարտված «նոր գեներալները» լռում են ձկների պես: Լռում են նաև հին խորհրդային կոփման գեներալները, որոնք ժամանակին դուրս են մղվել նոր քաղաքական վերնախավի կողմից: «Քաջ ու համարձակ ընդդիմությունը» լռում է: Սփյուռքի վերնախավը ջուր է առել բերանը: Չկա նաև հայրենասեր հայերի զանգվածային ներհոսք երկիր: Չկան հացադուլներ կամ զանգվածային բողոքներ: Ոչինչ չկա։
Իսկ իրավիճակը հայ-ադրբեջանական սահմանին, այնուամենայնիվ, շարունակում է զարգանալ: Անհրաժեշտ է ընդհանրապես չճանաչել Ռեջեփ Էրդողանին և Իլհամ Ալիևին, որպեսզի ենթադրվի, որ նրանք գոհ կլինեն առկա ստատուս քվոյից: Եվ միանգամայն տրամաբանական և սպասելի է, որ ադրբեջանցիները խախտել են Հայաստանի սահմանը, հիմնավորվել և սպասում են հայկական կողմի արձագանքին, որը չկա: Տիրում է ծով լռություն, որին հաջորդել է հանրային վրդովմունքի պայթյունը. որտե՞ղ են ՀԱՊԿ-ն ու Ռուսաստանը, ընդհանրապես ո՞ւմ է պետք նման ռազմական դաշինքը, եթե այն անարդյունավետ է, ինչո՞ւ է Մոսկվան և «նրա վերահսկողության տակ գտնվող կազմակերպությունը» այդքան դանդաղորեն արձագանքում Ադրբեջանի կողմից Հայաստանի տարածքային ամբողջականության խախտմանը:
Ցավոք, կան այդ արձագանքի «օբյեկտիվ» պատճառներ:
ՀԱՊԿ-ը, որպես դասական դաշինք, երբեք չի ունեցել ռազմական պատասխանի գործողությունների մեխանիզմներ: Առնվազն միամտություն կլինի կարծել, որ Բելառուսը կամ Ղազախստանը կպայքարեն Հայաստանի տարածքային ամբողջականության համար ընդդեմ Ադրբեջանի և Թուրքիայի: ՀԱՊԿ-ն ավելի շատ քաղաքական կազմակերպություն է, որի նպատակն է միավորել Ռուսաստանին բարեկամ հետխորհրդային երկրները լրացուցիչ դրոշի ներքո: Հայերի մոտ միանգամից հիմնավոր հարց է առաջանում. ուրեմն, ի՞նչ է դրա իմաստը հայկական կողմի համար։ Բայց առաջին հերթին հենց այդ կազմակերպության միջոցով է արտոնյալ և ներքին գներով զենք մատակարարվել Հայաստանին տասնամյակներ շարունակ: Երկրորդ հերթին դա իրավական կառույց է, որը կարող է անհրաժեշտ լինել կրիտիկական իրավիճակներում: Երևանը գիտի՞ այդ ամենի մասին: Իհարկե։
Եվ հետո հենց Հայաստանն է ժամանակին վիթխարի ներդրում ունեցել կազմակերպության վարկաբեկման գործում: Ո՞րն է Նիկոլ Փաշինյանի կողմից գեներալ-լեյտենանտ Յուրի Խաչտուրովի (ՀԱՊԿ գլխավոր քարտուղար) անձի շուրջ սկանդալի պատճառը: Կրեմլի պաշտոնյաները դա ընկալել են որպես միտումնավոր հարված կազմակերպության հեղինակությանը և, հետևաբար, հենց Ռուսաստանի հեղինակությանը: Եվ այդ հարվածը հասցվել է հստակորեն Փաշինյանի արտասահմանյան կուրատորների առաջարկով:
ՀԱՊԿ մյուս անդամները ևս իրենց լավ չեն պահել: Նրանք հիշել են դաշինքը որպես բացառապես ռազմական գործիք իրենց համար կրիտիկական պահին: Եվ միևնույն ժամանակ նրանք ամբողջովին մոռացել են, որ դրան մասնակցությունն ինքնին որոշակի պարտավորություններ է առաջադրում: Ամեն երկիր (և առաջին հերթին Հայաստանը) մերժել է Ռուսաստանի առաջարկը մասնակցել Սիրիայում ռազմական գործողությանը: Նրանք զուտ ջենթլմենական ձևով թույլ են տվել, որ ռուս զինվորը առաջ անցնի: Թող Իվանը մեռնի: Նա դրանից խորթ չէ: Չնայած հիմա Ղարաբաղում սահմանազատման գծում կանգնած է պայմանագրային զինծառայող ռուսական Իվանը:
Եվ վերջապես, մի քանի խոսք բուն հայ հասարակության հոգեվիճակի մասին:
Ազգը շրջադարձային փուլում է: «Մեծ, հին և իմաստուն ժողովրդի» մասին առասպելները ցրվել են առանց հետքի: Հայերը նախ պարտվել են ժողովրդագրական առումով, ապա` մտավոր: Այս երեսուն տարվա «վրեժի սպասման» ընթացքում, ինչպես ասում են Բաքվում, յուրաքանչյուր հայ երեխայի դիմաց ծնվել է չորսից հինգ ադրբեջանցի երեխա: Ադրբեջանցիները չեն թաքցրել, որ նրանք ապագա մարտիկներ են լույս աշխարհ բերում իրենց երդվյալ հարևանի հետ պատերազմի համար: Երեսուն տարի է անցել: Ռազմիկները մեծացել են: Ադրբեջանական բանակի մոբիլիզացիոն ռեսուրսը մի քանի անգամ գերազանցել է հայկականին, և այն իրեն ցույց է տվել Ղարաբաղում: Բացի այդ, այս հակամարտության ընթացքում հայերը հագեցած են եղել ահավոր տիեզերական չափերի հասնող ուռճացված ռուսաֆոբիայով: Ռուսաստանի շատ շրջաններում, որտեղ հայերը կոմպակտ են ապրում, «հայ» բառը հոմանիշ է դարձել «ռուսաֆոբ» բառի հետ: Դա այն դեպքում, երբ, ըստ քաղաքագետ Գևորգ Միրզայանի, «այժմ հայերը գոյատևելու համար պետք է ավելի ռուս դառնան, քան իրենք ռուսներն են»: Ավաղ։ Ի՞նչ գլոբալ եզրակացություններ կանեն հայերը կատարվածից: Արդյո՞ք հայ կանայք, ինչպես ադրբեջանցի կանայք, ավելի շատ կծնեն ապագա զինվորներ: Ոչ։ Հիմա նրանք եվրոպացիներ են, որոնք սովոր են բարձր կենսամակարդակի, իսկ այնտեղ բազմազավակությունը պատիվ չունի: Արդյո՞ք հայերը կհրաժարվեն իրենց ռուսաֆոբիայից և կդառնան ավելի ռուս, ինչպես նրանց հորդորում է Միրզայանը: Ավաղ, ոչ: Ռուսաֆոբիան հոգու և ուղեղի լուրջ հիվանդություն է, և դրանով հիվանդները որպես կանոն գնում են ուղետոմս մեկ ուղղությամբ: Արդյո՞ք հայերը կկարողանան վերածնվել այնպես, ինչպես արել է ադրբեջանցիների վերջին սերունդը, և «առևտրականների և խորոված անողների ազգից» (ինչպես նրանց ծաղրում են Հայաստանում) վերածվել ռազմիկ-ազատագրող ազգի: Ավաղ դրա համար առայժմ ոչ մի նախադրյալ տեսանելի չէ:
Նյութը հրապարակման պատրաստեց Կամո Խաչիկյանը
