Արդյո՞ք կորոնավիրուսի դեմ պատվաստումը կարող է առաջացնել թրոմբոզ
ՀԱՍԱՐԱԿՈՒԹՅՈՒՆ
Aif.ru-ն գրում է, որ վերջին շրջանում արյան թրոմբները, որոնք քաջ հայտնի են յուրաքանչյուր բժշկի, հանկարծակի դարձել են հանրային քննարկման հիմնական թեմաներից մեկը: Հայտնվել են տվյալներ, որ պատվաստանյութերը կարող են մեծացնել թրոմբառաջացման վտանգը: Ինչպես պարզվել է, ադենովիրուսները (որոնց օգնությամբ անտիգեններ են առաքվում մի շարք պատվաստանյութերում) ունակ են կապվել թրոմբոցիտների հետ և ակտիվացնել դրանք, քանի որ նրանց մակերեսին կա ադենովիրուսի ընկալիչ:
Սկզբում պատվաստումից հետո թրմբոզների դեպքեր են նկատվել Դանիայում, որտեղ որոշում է կայացվել դադարեցնել «Astra Zeneka»-ով պատվաստումը, հետագայում դա կատարվել է նաև այլ երկրներում: Ճիշտ է, նրանցից շատերն այնուհանդերձ պատվաստանյութը վերադարձրել են համակարգ, քանի որ, ինչպես պարզվել է, պատվաստումից հետո կյանքին սպառնացող թրոմբոզի դեպքերը բավականին հազվադեպ են՝ պատվաստանյութ ստացած միլիոնից 5-6 դեպք:
Բացի այդ, պատվաստված եվրոպացիների թրոմբոզների դեպքերի մանրակրկիտ ուսումնասիրությունները ցույց են տվել երկու հետաքրքիր օրինաչափություն: Նախ թրոմբոզներ հիմնականում ունեցել են սեռահասուն տարիքի կանայք, որոնցից շատերը հորմոնալ հակաբեղմնավորիչներ են օգտագործել (վերջիններս նպաստում են թրոմբոզի առաջացմանը): Հետևաբար, պատվաստանյութն էլ ծառայել է միայն որպես լրացուցիչ ազդակ: Երկրորդ հերթին, ինչպես պարզվել է, թրոմբոզների առաջացման մեխանիզմը .... աուտոիմուն է: Տուժածների մոտ առաջացել են PF4 «գիտական» անունով գործոնի նկատմամբ հակամարմիններ: Իսկ այդ հակամարմինները ի վիճակի են ակտիվացնել թրոմբոցիտներին` նրանց ստիպելով առանց պատճառի թրոմբներ առաջացնել: Այս ամենը հայտնի դառնալու արդյունքը եղել է այն, որ պատվաստումների ցուցումներում պարզապես տարիքային սահմանափակումներ են հայտնվել: Շատ երկրներում այս պատվաստանյութը նշված չէ 50 տարեկանից ցածր կանանց համար:
Ինչպե՞ս պաշտպանվել պատվաստման ժամանակ:
Երբեք պատվաստումների համար «մի պատրաստեք» օրգանիզմը արյունը նոսրացնող դեղամիջոցներով: Պատվաստանյութ ստանալուց առաջ արյան հյուսվածքը «շտկելու» ժողովրդական պրակտիկան վտանգավոր է: Առանց բժշկի համաձայնության դեղամիջոցային գերբեռնվածությունը միայն կճոճի հոմեոստազի նավը (օրգանիզմի հավասարակշռության վիճակը):
Եթե ձեզ անհանգստացնում է չափազանց խիտ արյունը, ապա պատվաստումից առաջ պետք է այցելել արյունաբանի: Հենց այդ մասնագետներն են ի վիճակի արհեստականորեն կարգավորել օրգանիզմի հիմնական հեղուկի վիճակը, և եթե պետք է նրանք կկարգավորեն ցնցված հոմեոստազը:
Նյութը հրապարակման պատրաստեց Կամո Խաչիկյանը
