Հնդկաստանը ցանկանում է կորոնավիրուսի հնդկական շտամի մասին բոլոր հղումները հեռացնել
ՀԱՍԱՐԱԿՈՒԹՅՈՒՆ
Lenta.ru-ն գրում է, որ Հնդկաստանը ցանկանում է սոցիալական ցանցերից հեռացնել կորոնավիրուսի հնդկական շտամի մասին բոլոր հղումները: Համապատասխան նամակ է ուղարկվել Հնդկաստանի Էլեկտրոնիկայի եւ տեղեկատվական տեխնոլոգիաների նախարարություն: Այդ մասին РИА Новости-ին հայտնել են կառավարության աղբյուրները: Նամակում Հնդկաստանի իշխանությունները խնդրել են սոցիալական լրատվամիջոցների բոլոր հարթակներից անհապաղ հեռացնել COVID-19 հնդկական շտամի հետ կապված ամբողջ նյութը: Նաև կոչ են արել վերացնել այն ամենը, ինչը ենթադրում է այդ շտամի առկայությունը: Նամակի տեքստում պարզաբանվում է, որ Առողջապահության համաշխարհային կազմակերպությունը (ԱՀԿ) պաշտոնապես նման կերպ չի անվանել կորոնավիրուսի որևէ տարբերակ:
Մայիսի 20-ին հայտնի է դարձել, որ Ռուսաստանում հայտնաբերել են կորոնավիրուսի հնդկական շտամով վարակման դեպքեր: Դա հաստատել է Ռոսպոտրեբնադզորի ղեկավար Աննա Պոպովան:
Մայիսի սկզբին ԱՀԿ-ում վարակիչ հիվանդությունների և զոոնոզների բաժնի ղեկավար Մարիա վան Կերխովեն հայտարարել էր, որ կազմակերպությունը բարձրացրել է Հնդկաստանից կորոնավիրուսի եռակի մուտացված շտամի սպառնալիքի հարցը: Փորձագետները խոստովանել են, որ այն մտահոգության առիթ է դարձել համաշխարհային մակարդակում: Սա նշանակում է, որ պարզվել է այն, որ հնդկական շտամը ճանաչվել է որպես առավել վարակիչ, մահացու կամ դիմացկուն պատվաստանյութերի և բուժման համար: Սրա պատճառն այն է, որ մուտացիայի ենթարկված այդ շտամը շատ ավելի արագ է տարածվում, քան SARS-CoV-2 բնօրինակ շտամը:
Նյութը հրապարակման պատրաստեց Կամո Խաչիկյանը
