Թուրքական Bayraktar TB2 անօդաչուներին «վերագրել» են Ղարաբաղում հայկական երեք տանկային գումարտակների ոչնչացման գործը
ՔԱՂԱՔԱԿԱՆՈՒԹՅՈՒՆ
topwar.ru-ն գրում է, որ Ադրբեջանի կողմից գնված թուրքական Bayraktar TB2 անօդաչու թռչող սարքերը ոչնչացրել են ավելի քան հայկական երեք տանկային գումարտակ Լեռնային Ղարաբաղում ռազմական բախման ընթացքում: Դա բխում է համացանցում հայտնված ինֆոգրաֆիկայից: Ներկայացված տվյալների համաձայն, որոնք, ի դեպ, առաջին անգամ ցույց են տրվել դեռ 2020 թվականի հոկտեմբերին, երբ դեռ շարունակվում էին ռազմական գործողությունները Լեռնային Ղարաբաղում, թուրքական Bayraktar TB2 անօդաչու սարքերը ոչնչացրել են 114 հայկական տանկ, այսինքն. ավելի քան երեք գումարտակ, 43 հետևակի մարտական մեքենա և զրահափոխադրիչ, 141 հրետանային կայանք և ՀՌԱԿ, ինչպես նաև հայկական բանակի մի շարք այլ ռազմական տեխնիկա, և դա միայն 24 օրվա ընթացքում: Ադրբեջանի և Հայաստանի ռազմական հակամարտությունը տևել է 44 օր, ուստի կարելի է ենթադրել որ մնացած 20 օրվա ընթացքում ևս մոտավորապես նույնքան տեխնիկա է ոչնչացվել:
Դատելով ներկայացված տվյալներից՝ Լեռնային Ղարաբաղում կռվել են միայն Bayraktar TB2 անօդաչու թռչող սարքերը: Նույնիսկ Իսրայելից գնված ԱԹՍ-ները զգալի քիչ զրահատեխնիկա են խփել, քան թուրքական ԱԹՍ-ները:
Հնարավոր է, որ այդ ինֆոգրաֆիկան իրականում տեղեկատվական պատերազմի մի մաս է, որը պետք է ցույց տա Հայաստանին, որ Ադրբեջանը զինված է «ամենահուսալի հարձակողական ԱԹՍ-ով», որն ունակ է ոչնչացնել թշնամու մի ամբողջ բանակ առանց անգամ մեկ ինքնաթիռ կորցնելու: Հայերը ևս չեն հապաղել հայտնել հակառակ կողմի «մեծ կորուստներ»-ի մասին: Հակամարտության մեկ ամիս էլ չէր լրացել, իսկ Երևանն արդեն հայտնել էր Ադրբեջանի ռազմաօդային ուժերի 15 խփված Սու -25 գրոհիչ ինքնաթիռների, 514 ոչնչացված տանկերի և 168 խփված ԱԹՍ-ների մասին:
Այնպես որ, այդ հրատարակված տվյալներին պետք է զգուշորեն վերաբերվել:
Նյութը հրապարակման պատրաստեց Կամո Խաչիկյանը
