Վարչապետը «խաղի նոր կանոններ» է սահմանում. Հրապարակ
ՄԱՄՈՒԼԻ ՏԵՍՈՒԹՅՈՒՆ
Վարչապետ Կարեն Կարապետյանը երեկ կառավարությունում բոլոր նախարարների հետ հանդիպման ժամանակ չի թաքցրել իր դժգոհությունը:
Նա «խաղի նոր կանոններ» է սահմանել, որոնցից մեկով պայմանավորվածություն է ձեռք բերվել նախարարների հետ յուրաքանչյուր ամսվա կտրվածքով հաշվետվություններ ներկայացնել, յուրաքանչյուր նախարար պետք է զեկուցի մեկ ամսվա ընթացքում իր ղեկավարած ոլորտում արձանագրված հաջողությունների ու խնդիրների մասին:
Նաեւ ռեֆորմներ ներկայացնի, թե ինչով է հնարավոր եղել աջակցել իր ոլորտում ներդրումների դյուրացմանը կամ, առհասարակ, ներդրումներ ներգրավելուն:
Վարչապետի դժգոհությունը հիմնականում եղել է ոչ ճկուն մտածողության հետ կապված, նա հորդորել է անընդհատ պրպտել, ներդրողներ գտնել, փող բերել: Հատուկ զգուշացվել են քաղաքացիներին ծառայություններ մատուցող գերատեսչությունները, հորդորել են նրանց բարձրացնել մատուցվող ծառայությունների որակը:
Օրվա մյուս հրապարակումներին ծանոթացեք թերթի այս համարում:
