Հայ պաշտոնյաների քավոր-սանիկ հարաբերությունները․ Լուսանկարներ
ԱՄԵՆԱԸՆԹԵՐՑՎԱԾ
«Իսկ գիտե՞ս իմ քավորն ով է»,- այս արտահայտությունը թերեւս շատերին է ծանոթ։ Նման դեպքերում, քավորի գործոնը շահարկելով տարբեր մարդիկ փորձում են ինչ-որ հարցեր լուծել, աշխատանքի տեղավորվել եւ այլն։
Հայաստանում շատերը հենց իրենց քավորների գործոնը շահարկելով են արժանացել այս կամ այն պաշտոնին կամ աշխատանքի տեղավորվել։
Wnews.am-ը ներկայացրել է հայ պաշտոնյաներին, որոնց կապում են քավոր-սանիկական հարաբերությունները։
Նախկին վարչապետ, այժմ ԱՄՆ-ում Հայաստանի դեսպան Տիգրան Սարգսյանը, շրջանառվող լուրերի համաձայն, ՀՀ ֆինանսների նախկին նախարար, այժմ «Արդշինինվեստբանկ» ՓԲԸ ֆինանսական տնօրեն Դավիթ Սարգսյանի քավորն է։
Քավոր-սանիկական կապեր ունեն նաեւ ՕԵԿ նախագահ Արթուր Բաղդասարյանն ու Ռուսաստանի հայերի միության նախագահ Արա Աբրահամյանը։ Վերջինս Բաղդասարյանի որդու կնքահայրն է։
ՀՀ նախագահ Սերժ Սարգսյանը «Ֆլեշ» ընկերության սեփականատեր Բարսեղ Բեգլարյանի որդու հարսանիքի քավորն է։
Նախագահը` Բարսեղ Բեգլարյանի որդու հարսանիքին։
Բարսեղ Բեգլարյանի որդին եւ նրա կինը։
ՀՖՖ նախագահ Ռուբեն Հայրապետյանը Երեւանի նախկին ոստիկանապետ Ներսես Նազարյանի որդու հարսանիքի քավորն է։
«Տաշիր» ընկերությունների խմբի նախագահ, միլիարդատեր Սամվել Կարապետյանը ՀՀ նախկին վարչապետ Հովիկ Աբրահամյանի եւ Գագիկ Ծառուկյանի զավակների հարսանիքի քավորն է։
Գագիկ Ծառուկյանն իր հերթին Հովիկ Աբրահամյանի դստեր հարսանիքի քավորն է։
Գագիկ Ծառուկյանը նաեւ ԱԺ պատգամավոր Սամվել Ալեքսանյանի եւ Հովիկ Աբրահամյանի եղբայր Հենրիկ Աբրահամյանի երեխաների քավորն է։
ԱԺ պատգամավոր Մհեր Սեդրակյանը մեկ այլ ՀՀԿ-ական պատգամավոր Սամվել Ալեքսանյանի քրոջ դստեր հարսանիքի քավորն է։
ՀՀ առողջապահության նախկին նախարար Արմեն Մուրադյանը ՀՀ երկրորդ նախագահ Ռոբերտ Քոչարյանի դստեր հարսանիքի քավորն է։
ՀՀ քննչական կոմիտեի նախագահ Աղվան Հովսեփյանը ՀՀ երկրորդ նախագահ Ռոբերտ Քոչարյանի եղբոր զավակների քավորն է։
Գեներալ պատգամավոր Սեյրան Սարոյանը Գագիկ Ծառուկյանի եւ Մուրադ Գուլոյանի երեխաների հարսանիքի քավորն է:
ՀՀ արտաքին գործերի նախարար Էդվարդ Նալբանդյանը ՀՀ նախկին փոխվարչապետ Արմեն Գեւորգյանի կնքահայրն է։
Պատգամավոր Գագիկ Ջհանգիրյանը գեներալ, ՀՀԿ-ական պատգամավոր Մանվել Գրիգորյանի երեխաներից մեկի քավորն է։
ՀՀ տրանսպորտի եւ կապի նախկին նախարար Գագիկ Բեգլարյանը Ուկրաինայում Հայաստանի դեսպան Անդրանիկ Մանուկյանի հետ եւս քավոր-սանիկական հարաբերությունների մեջ է։
Նա նաեւ Կենտրոն վարչական շրջանի ղեկավար Արա Սադոյանի քավորն է։
