Նիկոլ Փաշինյանի իշխանության պահպանման պլանները կարող են խառնել երկու նախագահները
ՔԱՂԱՔԱԿԱՆՈՒԹՅՈՒՆ
akcent.site-ն գրում է, որ Հայաստանի խորհրդարանում «նոր» վարչապետի թեկնածության քվեարկությունը նախատեսված է մայիսի 3-ին: Քվեարկությունը, ինչպես հայտնի է լինելու է դեկորատիվ, քանի որ դրա համար կառաջադրվի միայն մեկ թեկնածու` կառավարության ներկայիս ղեկավար Նիկոլ Փաշինյանը: Ներկայումս նա վարչապետի «ժ․պ․»-ի կարգավիճակում է: Այնուամենայնիվ, իշխող «Իմ քայլը» խմբակցությունը (132 պատգամավորներից 88-ը) չի սատարի Փաշինյանի թեկնածությանը: Երկու այլ խմբակցությունները `«Բարգավաճ Հայաստան»-ը և«Լուսավոր Հայաստան»-ը, հայտարարել են, որ ոչ սատարելու են Փաշինյանի թեկնածությունը, ոչ էլ առաջադրելու են իրենց սեփական թեկնածուին: Այս ամենը անհրաժեշտ է, որպեսզի խորհրդարանը երկու անգամ մերժի վարչապետի թեկնածությունը, օրենքի ուժով լուծարվի և նշանակվեն արտահերթ խորհրդարանական ընտրություններ:
Թվում է թե ամեն ինչ հաշվարկված է հաշվի առնելով, որ Փաշինյանը արտահերթ ընտրությունների օր է հայտարարել հունիսի 20-ը: Այնուամենայնիվ, Հայաստանի Նախագահ Արմեն Սարգսյանը կարող է ճշգրտումներ մտցնել Փաշինյանի ներդաշնակ ծրագրի մեջ: Հենց նա է, որ իր հրամանագրով պետք է նշանակի արտահերթ ընտրությունների անցկացման օրը: Միևնույն ժամանակ, Սարգսյանը անգամ չի շտապել ստորագրել Ընտրական օրենսգրքի նոր տարբերակը, որն ընդունվել է խորհրդարանի կողմից ապրիլի 1-ին: Ավելի ճիշտ, նույնիսկ ոչ թե խորհրդարանի, այլ միայն մեկ խմբակցության՝ «Իմ քայլ»-ի կողմից, քանի որ ընդդիմադիր «Բարգավաճ Հայաստանը» և «Լուսավոր Հայաստանը» հրաժարվել են կողմ քվեարկել նոր Ընտրական օրենսգրքին: Ընտրությունների վերաբերյալ Սարգսյանի դիրքորոշման վրա կարող է ազդել նաև նախկին նախագահ Լևոն Տեր-Պետրոսյանի հայտարարությունը առ այն, որ արտահերթ ընտրությունների անցկացումը հակասահմանադրական է և կոչ է արել բոյկոտել այն:
Նյութը հրապարակման պատրաստեց Կամո Խաչիկյանը
