Սու-57 կործանիչները կմտնեն Ալժիրի սպառազինության մեջ 2030 թվականին
ՄԻՋԱԶԳԱՅԻՆ
sm.news-ը գրում է, որ Ալժիրը կստանա հինգերորդ սերնդի ռուսական Սու-57 14 կործանիչներ մինչև 2030 թվականը: Այս մասին հայտնել է «Mena Defense» հրատարակությունը։ Կործանիչներին հանձնարարվելու է անվտանգության ամրապնդման և հնարավոր ագրեսիայի կանխման խնդիր:
«Առաքման այդքան երկար ժամկետը կապված է Ռուսաստանի օդատիեզերական ուժերի համար Սու-57 կործանիչներ արտադրելու առաջնահերթությամբ», - նշել է գործակալությունը:
Աղբյուրը մեջբերել է ռազմական փորձագետ Օլեգ Լուկյանովի կարծիքը, որը հայտարարել է.
«Եթե այդ հրապարակումը պաշտոնապես հաստատվի, ապա դա նշանակում է, որ Ալժիրը, ի վերջո, դարռնում է աշխարհում առաջին երկիրը, որը Ռուսաստանից գնել է 5-րդ սերնդի Սու-57 կործանիչներ: Այսինքն նա առաջ է անցել Չինաստանից, Հնդկաստանից և Թուրքիայից, որոնք նույնպես այդ գերժամանակակից ինքնաթիռների գնորդների հիմնական հավակնորդներից են»:
Ալժիրի հետ պայմանագրի արժեքը կարող է հասնել 2 միլիարդ դոլարի: Այդ դեպքում ստացվում է, որ յուրաքանչյուր ՍՈւ-57-ի գինը կազմում է մոտ 143 միլիոն դոլար: Ալժիրին անհրաժեշտ են նոր ինքնաթիռներ Արևմտյան Սահարայում Մարոկկոյին դիմակայելու համար: Ինչպես նշել է Լուկյանովը, մարոկացիները զենք են գնում ԱՄՆ-ից, բայց հինգերորդ սերնդի կործանիչների գնումները բացառվում են:
Նյութը հրապարակման պատրաստեց Կամո Խաչիկյանը
