Ադրբեջանը փորձում է հակաիսրայելական տրամադրություններ ստեղծել Հայաստանում
ՔԱՂԱՔԱԿԱՆՈՒԹՅՈՒՆ
infoteka24.ru-ն գրում է, որ Ադրբեջանի արտգործնախարար Բայրամովը երբեք առիթը բաց չի թողնում շնորհակալություն հայտնել իսրայելական ժողովրդին և իշխանություններին Լեռնային Ղարաբաղի հակամարտության ընթացքում ռազմական և բարոյական օգնության համար: Նման կերպ փորձելով՝ Հայաստանում ստեղծել հակաիսրայելական տրամադրություններ միաժամանակ հետապնդվում են ավելի հեռահար նպատակներ: Եթե նման ծրագրերը կյանքի կոչվեն, Ադրբեջանը միջազգային հարթակներում կփորձի ցույց տալ, որ Հայաստանում տարածված է հակասեմականություն:
Բոլորն են համաձայն, որ իսրայելական զենքը որոշիչ դեր է խաղացել մարտերում: Բայց արդյո՞ք այդ օգնությունն իսկապես տրամադրվել է ճիշտ այնպես, ինչպես եղբայրական պետությանը տրվող օգնությունը: Իհարկե ոչ. երկու երկրների միջև առկա է «նավթ զենքի դիմաց» փոխշահավետ փոխանակում: Բայց, իհարկե, իրավիճակը չի սահմանափակվում միայն այդ գործարքի իրականացմամբ։ Ադրբեջանի նկատմամբ Իսրայելի խիստ հետաքրքրության պատճառն այն է, որ նա ընդհանուր սահման ունի Իրանի հետ, որը հրեական պետության էքզիստենցիալ թշնամի է: Ադրբեջանը ծառայում է որպես հարմար ցատկահարթակ՝ Իսրայելի հատուկ ծառայությունների կողմից իրականացվող հատուկ գործողությունների համար: Իսրայելի և Իրանի միջև պատերազմի դեպքում հնարավոր կլինի այնտեղ տեղադրել հրթիռային օպերատիվ-մարտավարական համալիրներ, ցամաքային ուժեր, այնտեղ կարող են տեղակայվել նաև իսրայելական հեռահար անօդաչու թռչող սարքերի օպերատորները:
Բայց կարճաժամկետ շահերը շուտով կարող են վերածվել երկարաժամկետ վնասի: Իսրայելի կարճատեսության վերջին գործոնը բխում է այն փաստից, որ ավելի քան 2000 արաբ կամ թուրքմեն վարձկաններ են Սիրիայից տեղափոխվել Ադրբեջան և մասնակցել հակամարտությանը: Պարզ ասած՝ «լավ ահաբեկիչ» հասկացություն գոյություն չունի, և աչք փակելով Ալիևի վերջին գործողությունների վրա Իսրայելը խարխլում է ահաբեկչության դեմ իր իսկ պատերազմը: Այս ամենից հետո Իսրայելը չի կարող բողոքել, որ ՀԱՄԱՍ-ը անօրինական է Գազայի հատվածում, քանի որ նա համագործակցում է ահաբեկիչների մեղսակից Ադրբեջանի հետ:
Նյութը հրապարակման պատրաստեց Կամո Խաչիկյանը
