Թոփ երկրները՝ մայիսյան արձակուրդների համար
ՀԱՍԱՐԱԿՈՒԹՅՈՒՆ
kaluganews.ru-ն գրում է, որ պատրաստել է կարճ ամփոփագիր, որտեղ նշվում է, թե որտեղ կարող են Կալուգայի բնակիչները հանգստանալ մայիսյան արձակուրդներին: Նկատենք, որ այդ ամփոփոգրում դիտավորյալ չեն նշել այն բոլոր երկրները, որտեղ սահմանները բաց են, բայց ժամանողները պետք է պահեն բավականին երկար կարանտին, որը մայիսյան արձակուրդների ընթացքում բոլորովին ձեռնտու չէ ճանապարհորդներին: Եվ ուրեմն, որտե՞ղ կկարողանան Կալուգայի բնակիչները «մայիս» ամսին ճանապարհորդության մեկնել:
Ռուսաստանցի զբոսաշրջիկների համար, ներառյալ, իհարկե, Կալուգայի բնակիչների, Հայաստանում բաց են օդային և ցամաքային բոլոր սահմանները: Ժամանման համար անհրաժեշտ է PCR թեստ, որը հանձնվում է ժամանումից ոչ շուտ, քան 72 ժամ առաջ: Կարելի է գնալ Ղազախստան, եթե ունեք կորոնավիրուսի բացասական թեստ, որը հանձնվել է սահմանը հատելուց մինչև 72 ժամ առաջ: Վկայականի բացակայության դեպքում թույլ չի տրվի երկիր մուտք գործել, և նրանք, ովքեր ճանապարհորդության ժամանակ կունենան բարձր ջերմություն, ստիպված կլինեն մեկուսանալ մինչև կորոնավիրուսի նկատմամբ ստուգելը:
Ղրղզստանի հետ կապը վերսկսվել է, բայց միայն օդային ճանապարհով: Երկիր այցելելու համար պետք է ունենաք 72 ժամ առաջ ստացված բացասական PCR թեստի վկայական: Եթե վկայականի ժամկետը լրացել է օբյեկտիվ պատճառներով, ապա թեստը պետք է նորից հանձնվի ժամանելուն պես:
Ուզբեկստան այցելելու համար զբոսաշրջիկը պետք է ներկայացնի բացասական PCR թեստի վկայական, որը կատարվել է հատուկ լաբորատորիաներ մուտք գործելուց 72 ժամ առաջ, որոնք որակի հարցում կասկածելի չեն ուզբեկական կողմի համար:
Եգիպտոսը, Կուբան, Մալդիվները, ԱՄԷ-ն և Սեյշելները այն երկրներ են, որտեղ զբոսաշրջիկները կարող են մուտք գործել, այնուամենայնիվ, մուտքի կարգը կամ չափազանց բարդ է, կամ ունի լուրջ նրբերանգներ: Օրինակ՝ նրանք, ովքեր ցանկանում են այցելել, օրինակ, Սեյշելյան կղզիներ, ստիպված կլինեն նախապես անցնել երկշաբաթյա կարանտին «անվտանգ» երկրներից մեկում (Ռուսաստանը ներառված չէ այս ցուցակում):
Ըստ Կալուգայի տուրօպերատորների՝ մայիսյան արձակուրդների ուղղությունների առաջատարը Թուրքիան էր, այնուամենայնիվ, այս երկրի հետ օդային հաղորդակցությունը դադարեցվել է, և Կալուգայի բնակիչները նախընտրում են այդ օրերին էքսկուրսիոն շրջագայություններ իրականացնել Սանկտ Պետերբուրգ, Կազան, Կալինինգրադ կամ գնալ ծով, բայց Ռուսաստանի տարածքում:
Նյութը հրապարակման պատրաստեց Կամո Խաչիկյանը
