AstraZeneca․ ֆեյսբուքյան տրամադրություններ
ՎԵՐԼՈՒԾՈՒԹՅՈՒՆՆԵՐ
Եվրոպական մի շարք երկրներ միառժամանակ սառեցրել են կորոնավիրուսի դեմ AstraZeneca ընկերության արտադրած վակցինայի կիրառումը, քանի որ գրանցվել են կողմնակի բացասական ազդեցության դեպքեր:
AstraZeneca-ի կիրառումն ամբողջությամբ կամ մասնակի դադարեցրել են Գերմանիան, Ֆրանսիան, Իտալիան, Իսպանիան, Դանիան, Բուլղարիան, Բալթյան երեք երկրները, Լյուքսեմբուրգը և Եվրամիության անդամ չհանդիսացող Նորվեգիան ու Իսլանդիան:
Արդեն մեկ շաբաթ է Հայաստանում սկսել են պատվաստանյութի կիրառումը չնայած, որ մինչ օրս Հայաստանում արտառոց դեպքեր չեն գրանցվել, բայց մարդիկ շարունակում են խուսափել պատվաստվելուց՝ հաշվի առնելով Եվրոպական մի շարք երկրներում ստացված բացասական ազդեցությունները։
1or.am կայքը ուսումնասիրել է սոցիալական ցանցերում առկա տրամադրությունները` պարզելու համար, թե Հայաստանում ինչպես են մարդիկ վերաբերվում AstraZeneca վակցիանյով պատվաստվելուն։
Ֆեյսբուքյան օգտատեր Կարինե Եսայանը գրել է․
«ՈՒՇԱԴՐՈՒԹՅՈՒՆ!!! Ներքին թուրքերը և նրանց տերերը, Արցախում պատերազմի միջոցով ցեղասպանություն իրականացնելուց հետո, նպատակադրվել են հայ ազգի ֆիզիկական ոչնչացումը շարունակել բազմաթիվ երկրներում արգելված Աստրա Զենեկա վտանգավոր պատվաստանյութի միջոցով...»։
Օգտատեր Անդրանիկ Վարդանյանն էլ գրել է․
«Նախարարի մայրը պատվաստվել է «Սպուտնիկ V»-ով, իսկ քաղաքացիներին առաջարկում են «Աստրազենեկա», որը եվրոպական երկրներում մահվան տասնյակ դեպքերի պատճառ է դարձել»։
Աննա Ավագյանն էլ հորդորել է չպատվաստվել․
«24000 դոզա Աստրա Զենեկա են բերել ՀՀ: ՉՊԱՏՎԱՍՏՎԵՔ ! Եվրոպայում տեսան մեռնում են դրանից, բռթում են ՀՀ-ի վրա՞»։
Քաղաքագետ Գարիկ Քեռյանն իր ֆեյսբուքյան էջում գրել է․
«Սկսվեցին պատվաստումները. Մինչև 55 տարեկան Աստրա-զենեկա, ջահելներին Սպուտնիկ։ Քանի որ առաջինից մահացության դեպքերն ավելի շատ են, 55_ից բարձր տարիքի մարդիկ խիստ վիրավորված են և վրդովված։ Երևի այստեղ գործում է "ով մեռավ, մեռավ, իրեն բարի խաղաղություն" կարգախոսը»։
Տիգրան Ազատյանն էլ գրել է, որ Անդրանիկ Քոչարյանի դեմ պետք է քրեական գործ
Հարուցվի․
«Անդրանիկ Քոչարյան սրիկան հայտարարություն է արել,որ թոշակառուները պիտի պատվաստվեն
Աստրա զենեկայով հակառակ դեպքում թոշակ չեն ստանա ։
Աստրա զենեկան ներմուծել են էժան գնով հավանաբար եվրոպական այն երկրներից
Որոնք հրաժարվել են դրանից և դա մեր մոտ
Վակցինավորում են ռիսկային խմբին. Թոշակառուներին,որը բարդություններ է առաջացնում.այսինքն ինչքան թոշակառու մահանա
Այդքան թոշակ քիչ կտան։
Սա ֆաշիզմ է։
Անդրանիկ Քոչարյանի դեմ պետք է քրեական գործ
Հարուցվի և նրա կողքին կանգնած մարդկանց
Նույնպես։
Աստրա զենեկա պատվաստանյութ արտադրությունը եղել է 2020 մայիսին տուփի վրա գրված է.այսինքն վիրուսի հայտնաբերումից մի երկու ամիս անց ,սա
Ասվում է այն մասին,որ կորոնան արհեստական է և
Պատվաստանյութը եղել վիուսի հետ զուգահեռ։
Իսկ ինչ մնում է բուժմանը .լյարդում լուրջ խնդիրներ են առաջանում դա ապացուցվել է դին հերձելուց հետո։ իսկ ինչ մնում է վարակին .դա օդակաթիլային է և հերձումը և բաց դագաղը բոլորովին անվնաս է։
Իսկ ինչ մնում է վիրուսին .դա մուտացիայի է ենթարկվում և վակցինացիան դառնում անիմաստ։
Վակցինացիան պետք միայն երկրից դուրս գալու համար»։
Նախկին պատգամավոր Կարեն Ավագյանն էլ գրել է, որ չպետք է պատվաստվել․
«Երբ բժշկության հետ կապ չունեցող նախարարը գովաբանում էր AstraZeneca պատվաստանյութը, շատ լավ տեղյակ էր, որ AstraZeneca պատվաստանյութից կար մահացած 53 ամյա քաղաքացի։
Բազմաթիվ զգուշացումները և համաշխարհային վտանգավոր տենդենցները չկանգնեցրեցին մեր բնակչության կյանքն ու առողջությունը վտանգի ենթարկելու «գայթակղությունից»։
Պատասխանատուները որոշեցին գնալ 55-ից բարձր բոլոր քաղաքացիների կյանքը ևս մեկ անգամ ռիսկի ենթարկելու ճանապարհով։
Հիվանդության կանխարգելման, հայտնաբերման, բուժման և հետբուժական շրջանը տապալածներից երևի միամտություն էր սպասել պատվաստման գործընթացի հանդեպ աչալուրջ վերաբերմունք։
Փաստենք նաև, որ երկրում առկա պատվաստանյութերի քանակը խիստ պակաս է անհրաժեշտից, ինչը և հնարավորություն չի տա ունենալ տեսանելի արդյունքներ։ Առկա քանակության ուղիղ կեսն էլ միջազգային ահազանգերի և դադարեցման գործընթացի առարկա։
Հերթական տապալում, որը ճակատագրական կլինի։
Պատերազմի, հիվանդության արդյունքում հազարավոր մահեր։ Հիմա արդեն չհիմնավորված ռիսկ նաև պատվաստումներից։
Հ.Գ. Պարզվե՞ց նախարարն իր մորը SPUTNIK V-ով է պատվաստել, թե ոչ։
Արդյո՞ք պաշտոնյաները AstraZeneca-ից օգտվել են կամ ընդհանրապես պատրաստվում են օգտվել։
ՍԱ ՉԻ ՆՇԱՆԱԿՈՒՄ, ՈՐ ՊԵՏՔ ՉԷ ՊԱՏՎԱՍՏՎԵԼ։ ՍԱ ՆՇԱՆԱԿՈՒՄ Է, ՈՐ ՊԵՏՔ Է ԳՈՐԾԸՆԹԱՑԸ ԼԻՆԻ ԱՆՎՏԱՆԳ ԵՎ ԱՆՀՐԱԺԵՇՏ Է ԲՆԱԿՉՈՒԹՅԱՆՆ ԱՊԱՀՈՎԱԳՐԵԼ ԱՆՀԻՄՆ ՌԻՍԿԵՐԻՑ։
Սոնա Գիշյան
